Буряад-монгол зурхай октябриин 6-һаа 12 болотор

Октябриин 6, гарагай 2, буряад-монгол литээр 14.

14-дэ шэнэ гэр байшан бодхооходо, эд бараа, адуу мал худалдан абахада, худалдахада, малай үһэ нооһыень хайшалхада, замда ябахада һайн. Нүүхые, дэгэл хубсаһа эсхэхые, адуу мал хүнгэлхые, таряа ногоо тарихые тэбшэхэ.

«Сэрэгэй» үүдэн нээгдэнэ: сэрэг хүдэлгэхэгүй, заргалдахагүй.

Энэ үдэр харгыда гарахада, зүүн зүг руу муу, бэшэ тээшэ һайн.

Амгалан тайбанай, баялигай, малгайн, гута­лай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиид- хэхэдэ, һайн үдэр.

Нохой жэлтэндэ һанаһанаа бүтээхэдэ ураг­шатай, хонин жэлтэнэй буянай гараг.

Үһэеэ абхуулхада – баялигта.

Октябриин 7, гарагай 3, буряад-монгол литээр 15.

Абида бурханай дүйсэн үдэр.

15-да шэнэ гэр байшан бодхооходо, газар хахалхада, таряа ногоо тарихада, эд бараа, адуу мал худалдан абахада, худалдахада, мал гаргахада, үһэ нооһыень хайшалхада һайн. Нүүхые, дэгэл хубсаһа эсхэхые, адуу мал хүнгэлхые, наһа барагшын, бэриин үйлэнүүдые бүтээхые тэбшэхэ.

«Түрэлнүүдэй» үүдэн нээгдэнэ: түрэл гарал­нуудтаяа найрлахагүй.

Энэ үдэр харгыда гарахада, урда зүг руу муу, бэшэ тээшэ гэмгүй.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ һайн үдэр.

Морин, могой жэлтэнэй урагшатай үдэр; хул­гана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – үлзытэй, гэбэшье һүнэһэн толгойдо оршоно.

Октябриин 8, гарагай 4, буряад-монгол литээр 16.

16-да анда нүхэр, багша, шаби болоходо, дэгэл хубсаһа эсхэхэдэ, газар малтахада, хахалхада, таряа ногоо тарихада, аралжаа наймаа ябуулхада, адуу малай нооһо хайшалхада, хүнгэлхэдэ һайн. Барилгын ажал хэхэгүй, агнахагүй, заргалдахагүй, замда гарахагүй.

«Хэрэмэй» үүдэн нээгдэнэ: гэрэй һуури татахагүй, гэр байра заһабарилхагүй, зөөлгэхэгүй.

Энэ үдэр харгыда гарахада муу, илангаяа ба­руун зүг руу.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, мо­гой жэлтэн һэргэг байхые оролдог.

Үһэеэ абхуулхада – үбшэндэ.

Октябриин 9, гарагай 5, буряад-монгол литээр 18 (17 таһарба).

Амгалан жаргалантай Дашанима үлзытэ үдэр - абишиг (Ваан) хайрлахада, һайтар байгуулхада (рамнай үргэхэдэ), бурханай тахилга хэхэдэ һайн.

Сог жабхаланта Бальжинима үдэр амиды ба нүгшэһэнэй ямаршье үйлэдэ һайн. Энэ сагта Синпүн гэхэ мэтэ газарай бусад эзэдэй байбашье, али үгышье һаа, согто хутаг, буян болохо.

18-да гал тахихада, айраг тараг бүрихэдэ, адуу малай нооһыень хайшалхада, хүнгэлхэдэ, газар хахалхада, таряа ногоо тарихада һайн. Замда ябахые, дэгэл хубсаһа эсхэхые, эд бараа, адуу мал худалдан абахые, наһа барагшын хэрэгүүдые бүтээхые тэбшэхэ.

«Үхэлэй» үүдэн нээгдэнэ: хүүр залахагүй.

Энэ үдэр харгыда гарахада муу, илангаяа зүүн зүг руу.

Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – гарза гараха.

Октябриин 10, гарагай 6, буряад-монгол литээр 19.

Тэрсүүд үдэр санваар хүртэхэ, тушаал эзэлхэ, даллага абаха, харгыда гараха, нүүхэ ба бэриин үйлэ бүтээхэ, нүгшэһэн хүниие хүдөө гаргаха гэхэ мэтые тэбшэхэ.

19-дэ харгыда ябахада, шэнэ гэр бодхооходо, газар хахалхада, таряа ногоо тарихада һайн. Адуу малай нооһыень хайшалхые, эд бараа, адуу мал худалдахые, худалдан абахые, бэриин, наһа барагшын үйлэнүүдые бүтээхые тэбшэхэ.

«Үхэлэй» үүдэн нээгдэнэ: хүүр залахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.

Амгалан тайбанай, хониной хэшэг даллага абахада һайн.

Хонин, тахяа, бишэн жэлтэнэй урагшатай һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – Бурхан багшын һургаал дэлгэрхэ.

Октябриин 11, гарагай 7, буряад-монгол литээр 20.

20-до эд бараа, адуу мал худалдажа абахада, худалдахада, дэгэл хубсаһа эсхэхэдэ, газар хахалхада, таряа ногоо тарихада, адуу малай үһэ нооһыень хайшалхада һайн. Бэриин үйлэ бүтээхые, замда ябахые тэбшэхэ.

«Ниитын» үүдэн нээгдэнэ: суглаа зарлахагүй, шухала уулзалга эмхидхэхэгүй.

Энэ үдэр «морин үхэхэ, эмээл хухарха» ушарһаа харгыда гарахада муу, илангаяа зүүн зүг руу.

Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха.

Үһэеэ абхуулхада – үлэсхэлэндэ, ангалга­да.

Октябриин 12, гарагай 1, буряад-монгол литээр 21.

21-дэ эд бараа, адуу мал худалдан абахада, га­зар таряанай хэрэгүүдые бүтээхэдэ, замда яба­хада һайн. Бэриин хэрэгүүдые бүтээхэдэ, дэгэл хубсаһа эсхэхэдэ, адуу малай үһэ нооһо хайшал­хада, халуун уһанда ороходо муу.

«Айлшанай» үүдэн нээгдэнэ: айлшадые урихагүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.

Луу жэлтэнэй урагшатай һайн гараг.

Үһэеэ абхуулхада – халдабарита үбшэндэ.

Жаргал лама Дугданов бэлдэбэ