Буряад-монгол зурхай ноябриин 17-һоо 23 болотор

Ноябриин 17, гарагай 2, буряад-монгол литээр 28.

28-да гал тахихада һайн. Эд бараа, адуу мал худал­дажа абахада, наһа барагшын ба бэриин үйлэнүүдые бүтээхэдэ муу.

“Үхээриин үүдэн нээгдэнэ”: хүүр залахагүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Амгалан тайбанай, баялигай, малгайн, гуталай, хуб- саһанай хэшэг даллага абахада; гахай, хонин, туулай жэл­тэй хүнүүдтэ хии мориёо хиидхэхэдэ, һайн үдэр.

Нохой жэлтэндэ һанаһанаа бүтээхэдэ, урагшатай, һайн үдэр. Хонин жэлтэнэй буянай гараг.

Үһэеэ абхуулхада – хэрүүл аманда.

Ноябриин 18, гарагай 3, буряад-монгол литээр 29.

Энэ ехэ үдэр Нирманарати замби түбиһөө бурхад буу­жа, хүн зоной хэһэн муу ба һайн үйлэ хэрэгүүдые сэгнэ­дэг.

29-дэ дайсаниие номгодхоходо, ада шүдхэрые дараха­да, мал гаргахада, агнахада һайн. Хурим түрэ наадахые, дэгэл хубсаһа эсхэхые, аралжаа наймаа хэхые, адуу мал худалдахые тэбшэхэ.

“Үхэлэй үүдэн нээгдэнэ”: наһа барагшын хэрэг бүтээхэгүй.

Энэ үдэр харгыда гарахада, баруун зүг руу муу, бэшэ тээшээ гэмгүй.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэ­хэдэ, һайн үдэр.

Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.

Үһэеэ абхуулхада – һүнэһэн зайлаха.

Ноябриин 19, гарагай 4, буряад-монгол литээр 29 (29 дабхарлаба).

Энэ ехэ үдэр Нирманарати замби түбиһөө бурхад буу­жа, хүн зоной хэһэн муу ба һайн үйлэ хэрэгүүдые сэгнэ­дэг.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэ­хэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – һүнэһэн зайлаха.

Ноябриин 20, гарагай 5, буряад-монгол литээр 30.

Бурхан багшын дүйсэн үдэр.

30-да айраг тараг бүрихэдэ һайн. Адуу малай үһэ нооһо хиргахые, тэдэниие хүнгэлхые, эд бараа, адуу мал худалдажа абахые, бэриин, наһа барагшын үйлэнүүдые бүтээхые тэбшэхэ.

“Ниитын үүдэн нээгдэнэ”: суглаа зарлахагүй, шухала уулзалга эмхидхэхэгүй.

Харгыда гарахада, зүүн зүг руу муу, бусад зүг руу һайн.

Хүүгэдэй хэшэг даллага абахада, тахяа, үхэр, могой жэл­тэй хүнүүдтэ хии мориёо хиидхэхэдэ, һайн үдэр.

Бар, туулай жэлтэнэй урагшатай үдэр, харин тахяа, би­шэн жэлтэнэй буян үйлэдэхэдэ һайн. Үхэр, луу, хонин, но­хой жэлтэн һэргэг ябахые оролдохо.

Үһэеэ абхуулхада – хэрүүл аманда, заргада; аминда харша.

Ноябриин 21, гарагай 6, буряад-монгол литээр шэнын 1.

Амгалан жаргалантай Дашиниматай (Үлзытэ) үдэр абишиг (Ваан) хайрлахада, һайтар байгуулхада (рамнай үргэхэдэ) һайн.

Шэнын 1-дэ замда гарахада, дэгэл хубсаһа эсхэхэдэ, эд бараа, адуу мал худалдан абахада, шэнэ гэр бодхоо­ходо, худаг малтахада һайн. Адуу мал хүнгэлхэгүй, хүүр залахагүй. Муу муухайе галдахада, гал заяашаяа бузарла­хада, модо унагаахада, эртэ үглөөгүүр холо ойгуур ябаха­да, үбшэн дэлгэрхэ.

“Айлшанай” үүдэн нээгдэнэ: айлшадые урихагүй.

Энэ үдэр харгыда гарахада, зүүн зүг руу муу, бэшэ тээ­шэ зүглэхэдэ һайн.

Амгалан тайбанай, хониной хэшэг даллага абахада һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэ­нэй чисаа гараг – һэргэг ябаха хэрэгтэй.

Үһэеэ абхуулхада – наһан хорохо.

Ноябриин 22, гарагай 7, буряад-монгол литээр 2.

2-то айраг тараг бүрихэдэ, ноёной тушаал эзэлхэдэ, эм­нэлгэ эхилхэдэ, хубсаһа хунар эсхэхэдэ, пеэшэн табиха­да, эд бараа, адуу мал худалдан абахада һайн. Адуу мал хүнгэлхые, замда гарахые тэбшэхэ.

“Наймаанай” үүдэн нээгдэнэ: олзын хэрэг эрхилхэгүй.

Энэ үдэр “морин үхэхэ, эмээл хухарха” ушарһаа харгы­да гарахада муу, илангаяа зүүн зүг руу.

Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.

Үһэеэ абхуулхада – хэрүүл аманда, заргада.

Ноябриин 23, гарагай 1, буряад-монгол литээр 3.

3-да замда гарахада, хубсаһа хунар эсхэхэдэ, шэнэ гэр бодхооходо, пеэшэн табихада, шэнэ гэртэ ороходо, эд ба­раа, адуу мал худалдажа абахада һайн. Худаг малтахада, бэриин үйлэнүүдые бүтээхэдэ муу.

“Хүбүүнэй” үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.

Энэ үдэр харгыда гарахада, урда зүг руу муу, бэшэ тээ­шэ зүглэхэдэ һайн.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.

Луу жэлтэнэй урагшатай, һайн гараг.

Үһэеэ абхуулхада – баялигта.

Жаргал лама ДУГДАНОВ бэлдэбэ