Буряад-монгол зурхай апрелиин 20-һоо 26 болотор

Апрелиин 20, гарагай 2, буряад-монгол литээр 3.

Модон хохимой үдэр ехэ тушаалай шэрээдэ гарахые, шэнэ ажалда орохые, сэрэг хүдэлгэхые тэбшэхэ.

3-да замда гарахада, тушаалда дэбжүүлэгдэхэдэ, хубсаһа хунар эсхэхэдэ, шэнэ гэр бодхооходо, пеэшэн табихада, шэнэ гэртэ нүүхэдэ, газар хахалхада, таряа ногоо тарихада, малай нооһо хиргахада, эд бараа, адуу мал ху­далдажа абахада һайн. Худаг малтахада, бэриин үйлэнүүдые бүтээхэдэ муу.

«Хүбүүнэй» үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.

Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.

Амгалан тайбанай, баялигай, малгайн, гута­лай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиид- хэхэдэ, һайн үдэр.

Нохой жэлтэндэ һанаһанаа бүтээхэдэ ураг­шатай, хонин жэлтэнэй буянай гараг.

Үһэеэ абхуулхада – баялигта.

Апрелиин 21, гарагай 3, буряад-монгол литээр 4.

4-дэ багша, шаби болоходо, аралжаа наймаа ябуулхада, модоор уран дарха хэхэдэ, адуу ма­лай үһэ нооһыень хайшалхада, тэдэниие гарга­хада, бэриин хэрэгүүдые бүтээхэдэ һайн. Дэгэл хубсаһа эсхэхые, адуу мал хүнгэлхые тэбшэ­хэ.

«Сэрэгэй» үүдэн нээгдэнэ: сэрэг хүдэлгэхэгүй.

Энэ үдэр харгыда гарахада, баруун зүг руу муу, бэшэ зүгүүд руу зүглэхэдэ һайн.

Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.

Морин, могой жэлтэнэй урагшатай үдэр; хул­гана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэг­тэй.

Үһэеэ абхуулхада – нюур шарай һайжарха.

Апрелиин 22, гарагай 4, буряад-монгол литээр 5.

5-да багша, шаби болоходо, замда гарахада, бусажа ерэхэдэ, гүү барихада, мал хүнгэлхэдэ, адуу малай үһэ нооһыень хайшалхада, газар хахалхада, таряа ногоо тарихада һайн. Модоор уран дарха хэхые, худалдаа наймаа ябуулхые, нүүхые, дэгэл хубсаһа эсхэхые, наһа барагшын үйлэ бүтээхые тэбшэхэ.

«Түрэлнүүдэй» үүдэн нээгдэнэ: түрэл гарал­нуудтаяа найрлахагүй.

Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.

Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.

Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.

Үһэеэ абхуулхада – баялигта.

Апрелиин 23, гарагай 5, буряад-монгол литээр 7 (6 таһарба).

7-до газар уһанай хэрэгүүдые үйлэдэхэдэ, шэнэ гэр барихада, пеэшэн табихада, газар хахалхада, үрэһэ тарихада, наһа барагшын үйлэнүүдые бүтээхэдэ һайн. Адуу малай үһэ нооһыень хайшалхые, аралжаа наймаа хэхые, эд бараа, адуу мал худалдажа абахые, мал хүнгэлхые, дэгэл хубсаһа эсхэхые, бэриин үйлэнүүдые бүтээхые тэбшэхэ.

«Бэриин» үүдэн нээгдэнэ: хурим түрэ наадахагүй.

Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.

Хүүгэдэй хэшэг даллага абаха һайн үдэр. Тахяа, үхэр, могой жэлтэй хүнүүдтэ хии мориёо хиидхэхэдэ, һайн үдэр.

Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.

Үһэеэ абхуулхада – хэрүүл аман дэлгэрхэ.

Апрелиин 24, гарагай 6, буряад-монгол литээр 8.

Отошо бурханай дүйсэн үдэр.

Тушаалда томилходо, адуу мал хүнгэлхэдэ, гаргахада, агнахада, ада шүдхэр дарахада һайн. Адуу малай үһэ нооһыень хайшалхагүй, хүнгэлхэгүй, эд бараа, адуу мал худалдан абахагүй, газар таряалангай ажал хэхэгүй, ургаса, таряа хуряахагүй, дэгэл хубсаһа эсхэхэгүй, оёхогүй, шэнэ хубсаһа үмдэхэгүй, замда гарахагүй, бэриин хэрэг бүтээхэгүй, хүүр залахагүй.

«Үхээриин» үүдэн нээгдэнэ: наһа барагшые хүдөө табихагүй.

Энэ үдэр «морин үхэхэ, эмээл хухарха ушарһаа» харгыда гарахада муу, илангаяа зүүн зүг руу.

Амгалан тайбанай, хониной хэшэг даллага абахада һайн.

Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.

Үһэеэ абхуулхада – наһан ута боло­хо.

Апрелиин 25, гарагай 7, буряад-монгол литээр 9.

Тэрсүүд үдэр харгыда гарахые, нүүхые, бэриин ба наһа барагшын үйлэнүүдые бүтээхые тэбшэхэ.

9-дэ замда гарахада, адуу мал номгоруулхада, һургахада, хубсаһа хунар эсхэхэдэ, аралжаа наймаа ябуулхада һайн. Адуу малай нооһыень хайшалхые, адуу мал хүнгэлхые, эд бараа, адуу мал худалдан абахые, худалдахые, хурим түрэ наадахые, хүүр залахые тэбшэхэ.

«Үхэлэй» үүдэн нээгдэнэ: наһа барагшын хэрэг үйлэдэхэгүй.

Энэ үдэр харгыда гарахада, урда зүг руу муу, бэшэ тээшэ һайн.

Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.

Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэг­тэй.

Үһэеэ абхуулхада – үбшэндэ.

Апрелиин 26, гарагай 1, буряад-монгол литээр 10.

Бадмасамбавын дүйсэн үдэр.

Сог буянта Бальжиниматай үдэр амиды ба нүгшэһэнэй ямаршье үйлэдэ һайн. Энэ сагта Синпүн гэхэ мэтэ газарай бусад эзэдэй байгаашье, али үгышье һаань, согто хутаг, буян болохо.

10-да тушаалда томилходо, дэгэл хубсаһа эсхэхэдэ, айраг тараг бүрихэдэ, газар хахалхада, таряа ногоо тарихада, адуу малай үһэ нооһыень хайшалхада һайн. Эд бараа, адуу мал худалдажа абахые, замда гарахые, гэр байшан барихые, бэриин үйлэ бүтээхые тэбшэхэ.

«Ниитын» үүдэн нээгдэнэ: суглаа зарлахагүй, шухала уулзалгада муу.

Энэ үдэр харгыда гарахада муу, илангаяа ба­руун зүг руу.

Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.

Луу жэлтэнэй урагшатай, һайн гараг.

Үһэеэ абхуулхада – жаргалда.

Жаргал лама ДУГДАНОВ бэлдэбэ