1617
Майн 11, гарагай 2, буряад-монгол литээр 24.
24-дэ замда гарахада, анда нүхэд, багша шаби болоходо, хубсаһа хунар эсхэхэдэ, газар хахалхада, таряа ногоо тарихада, адуу мал хүнгэлхэдэ, эд бараа, адуу мал худалдан абахада, худалдахада һайн.
Тушаалда томилхые, угаалга хүүлэхые, адуу малай нооһо хайшалхые, замда гарахые тэбшэхэ.
“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – үбшэндэ.
Майн 12, гарагай 3, буряад-монгол литээр 25.
Хандамаанарай дүйсэн үдэр.
25-да гал тахихада, замда гарахада, хубсаһа хунар эсхэхэдэ, шэнэ гэр бодхооходо, газар хахалхада, таряа ногоо тарихада, хуряахада, адуу малай нооһо хиргахада, адуу мал гаргахада, эд бараа, адуу мал худалдажа абахада, аралжаа наймаа хэхэдэ, наһа барагшын хэрэгүүдые бүтээхэдэ һайн.
Тушаалда томилходо, нүхэр садан болоходо муу.
“Түрэлнүүдэй үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – үбшэндэ, нюдэн бүрэлзэхэ.
Майн 13, гарагай 4, буряад-монгол литээр 26.
26-да айраг тараг бүрихэдэ, угаалга хүүлэхэдэ, адуу мал һургахада, нооһыень хайшалхада, газар хахалхада, таряа ногоо тарихада һайн.
Замда гарахые, гэр байра барихые, тушаалда дэбжүүлхые, дэгэл хубсаһа эсхэхые, эд бараа, адуу мал худалдан абахые, худалдахые, аралжаа наймаа ябуулхые тэбшэхэ.
“Хэрэмэй” үүдэн нээгдэнэ: гэрэй һуури татахагүй, гэр байрануудые заһабарилхагүй, зөөлгэхэгүй.
Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – жаргалда.
Майн 14, гарагай 5, буряад-монгол литээр 27.
27-до айраг тараг бүрихэдэ, пеэшэн табихада, угаалга хүүлэхэдэ, замда гарахада, газар хахалхада, таряа ногоо тарихада, уһанай далан, хаалта бодхооходо, хүүр залахада һайн.
Бэриин үйлэ бүтээхые, шэнэ гэр бодхоохые, адуу малай үһэ нооһыень хайшалхые, дэгэл хубсаһа эсхэхые, эд бараа, адуу мал худалдажа абахые, худалдахые тэбшэхэ.
“Бэриин” үүдэн нээгдэнэ: бэриин хэрэг үйлэдэхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ һайн.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – үлзытэй.
Майн 15, гарагай 6, буряад-монгол литээр 28.
28-да гал тахихада, уһанай хаалта, далан бодхооходо һайн.
Адуу малай үһэ нооһыень хайшалхагүй, эд бараа, адуу мал худалдажа абахагүй, дэгэл хубсаһа эсхэхэгүй, тушаалда дэбжүүлхэгүй, замда гарахагүй, бэриин, наһа барагшын үйлэнүүдые бүтээхые тэбшэхэ.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – хэрүүл аман дэлгэрхэ.
Майн 16, гарагай 7, буряад-монгол литээр 30 (29 забһарлаба).
Бурхан багшын дүйсэн үдэр.
30-да айраг тараг бүрихэдэ һайн.
Адуу малай үһэ нооһыень хайшалхые, эд бараа, адуу мал хүнгэлхые, худалдажа абахые, гэр байра барихые, дэгэл хубсаһа эсхэхые, наһа барагшын, бэриин үйлэнүүдые бүтээхые тэбшэхэ.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ гэмгүй.
“Ниитын” үүдэн нээгдэнэ: суглаа зарлахагүй, шухала уулзалга эмхидхэхэгүй.
Амгалан тайбанай, таряанай хэшэг даллага абахада һайн.
Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ урагшагүй үдэр, һэргэг байха хэрэгтэй.
Үһэеэ абхуулхада – хэрүүл аман дэлгэрхэ, аминда харша.
Майн 17, гарагай 1, буряад-монгол литээр шэнын 1.
Шэнын 1-дэ һанаһанаа бүтээхэдэ урагшатай, илангаяа замда гарахада, дэгэл хубсаһа эсхэхэдэ, газар хахалхада, таряа ногоо тарихада, хуряахада, эд бараа, адуу мал худалдан абахада, худалдахада, шэнэ гэр бодхооходо, худаг малтахада һайн.
Адуу мал хүнгэлхэгүй, үһэ нооһыень хайшалхагүй, хүүр залахагүй.
“Айлшанай” үүдэн нээгдэнэ: айлшадые урихагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Энэ үдэр амгалан тайбанай, эдеэ унданай, баялигай, адуу малай хэшэг даллага абахада һайн.
Луу жэлтэнэй урагшатай, һайн гараг.
Үһэеэ абхуулхада – наһан хорохо.
Жаргал лама ДУГДАНОВ бэлдэбэ
Фото: Анна Огородник
