482
Июниин 8, гарагай 2, буряад-монгол литээр 23.
23-да гал тахихада, дэгэл хубсаһа эсхэхэдэ, замда гарахада, газар хахалхада, таряа ногоо тарихада, адуу мал худалдан абахада, үһэ нооһыень хайшалхада, шэнэ гэр барихада, пеэшэн табихада, уһанай хаалта бодхооходо һайн. Адуу мал худалдахагүй, худалдажа абахагүй, аралжаа наймаа хэхэгүй, худаг, һубаг малтахагүй, нүүхэгүй, тушаалда дэбжүүлхэгүй.
“Хүбүүнэй” үүдэн нээгдэнэ: хүүгэдэй шухала хэрэг бүтээхэгүй, үһыень абахагүй, гэрһээ холо эльгээхэгүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, баялигай, малгайн, гуталай, хубсаһанай хэшэг даллага абахада; гахай, хонин, туулай жэлтэй хүнүүдтэ хии мориёо хиидхэхэдэ, һайн үдэр.
Нохой жэлтэндэ һанаһанаа бүтээхэдэ урагшатай, хонин жэлтэнэй буянай гараг.
Үһэеэ абхуулхада – баялигта.
Июниин 9, гарагай 3, буряад-монгол литээр 24.
24-дэ замда гарахада, анда нүхэд, багша шаби болоходо, хубсаһа хунар эсхэхэдэ, газар хахалхада, таряа ногоо тарихада, адуу мал хүнгэлхэдэ, эд бараа, адуу мал худалдан абахада, худалдахада һайн. Адуу малай нооһыень хайшалхые, тушаалда дэбжүүлэгдэхые, замда гарахые тэбшэхэ.
“Сэрэгэй” үүдэн нээгдэнэ: сэрэг хүдэлгэхэгүй, заргалдахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Амгалан тайбанай, баялигай хэшэг даллага абахада; хулгана, луу, бишэн жэлтэй хүнүүдтэ хии мориёо хиидхэхэдэ, һайн үдэр.
Морин, могой жэлтэнэй урагшатай үдэр; хулгана, гахай жэлтэнэй буян үйлэдэхэ гараг. Тахяа, бишэн жэлтэндэ муу үдэр, һэргэг ябаха хэрэгтэй.
Үһэеэ абхуулхада – үбшэндэ.
Июниин 10, гарагай 4, буряад-монгол литээр 25.
Хандамаанарай дүйсэн үдэр.
25-да гал тахихада, замда гарахада, хубсаһа хунар эсхэхэдэ, шэнэ гэр бодхооходо, газар хахалхада, таряа ногоо тарихада, ургаса хуряахада, малай нооһо хиргахада, мал гаргахада, эд бараа, адуу мал худалдажа абахада, худалдахада, аралжаа наймаа хэхэдэ, наһа барагшын хэрэгүүдые бүтээхэдэ һайн.
«Түрэлнүүдэй» үүдэн нээгдэнэ: түрэл гаралнуудтаяа найрлахагүй.
Энэ үдэр харгыда гарахада, зүүн зүг руу муу, бэшэ тээшэ зүглэхэдэ һайн.
Амгалан тайбанай, мориной хэшэг даллага абахада; бар, морин, нохой жэлтэй хүнүүдтэ хии мориёо хиидхэхэдэ һайн.
Хулгана, гахай жэлтэнэй һайн гараг; үхэр, луу, нохой жэлтэнэй буян үйлэдэхэ үдэр. Морин, могой жэлтэн һэргэг байхые оролдог.
Үһэеэ абхуулхада – үбшэндэ, нюдэн бүрэлзэхэ.
Июниин 11, гарагай 5, буряад-монгол литээр 26.
26-да айраг тараг бүрихэдэ, адуу мал һургахада, нооһыень хайшалхада, газар хахалхада, таряа ногоо тарихада һайн. Замда гарахые, гэр байра барихые, дэгэл хубсаһа эсхэхые, эд бараа, адуу мал худалдан абахые, худалдахые, аралжаа наймаа ябуулхые, тушаалда дэбжүүлхые тэбшэхэ.
“Хэрэмэй” үүдэн нээгдэнэ: гэрэй һуури татахагүй.
Энэ үдэр “морин үхэхэ, эмээл хухарха” ушарһаа харгыда гарахада муу, илангаяа зүүн зүг руу.
Амгалан тайбанай, хүүгэдэй хэшэг даллага абахада һайн. Тахяа, үхэр, могой жэлтэй хүнүүдтэ хии мориёо хиидхэхэдэ, һайн үдэр.
Бар, туулай жэлтэнэй урагшатай үдэр, харин тахяа, бишэн жэлтэнэй буян үйлэдэхэдэ һайн. Үхэр, луу, хонин, нохой жэлтэн һэргэг ябахые оролдохо.
Үһэеэ абхуулхада – жаргалда.
Июниин 12, гарагай 6, буряад-монгол литээр 27.
27-до айраг тараг бүрихэдэ, замда гарахада, газар хахалхада, таряа ногоо тарихада, пеэшэн табихада, хүүр залахада һайн. Бэриин үйлэ бүтээхые, шэнэ гэр бодхоохые, адуу малай үһэ нооһыень хайшалхые, дэгэл хубсаһа эсхэхые, эд бараа, адуу мал худалдажа абахые, худалдахые, уһанай хаалта бодхоохые тэбшэхэ.
“Бэриин” үүдэн нээгдэнэ: бэриин хэрэг үйлэдэхэгүй.
Энэ үдэр харгыда гарахада, урда зүг руу муу, бэшэ тээшэ зүглэхэдэ һайн.
Амгалан тайбанай, хониной хэшэг даллага абахада һайн.
Хонин, тахяа, бишэн жэлтэнэй урагшатай, һайн үдэр; морин, бишэн жэлтэнэй буянай үдэр. Бар, туулай жэлтэнэй чисаа гараг – һэргэг ябаха хэрэгтэй.
Үһэеэ абхуулхада – үлзытэй.
Июниин 13, гарагай 7, буряад-монгол литээр 28.
28-да гал тахихада, уһанай хаалта бодхооходо һайн. Адуу малай үһэ нооһыень хайшалхагүй, эд бараа, адуу мал худалдажа абахагүй, худалдахагүй, дэгэл хубсаһа эсхэхэгүй, замда гарахагүй, тушаалда томилхогүй, бэриин, наһа барагшын үйлэнүүдые бүтээхэгүй.
“Үхээриин” үүдэн нээгдэнэ: хүүр залахагүй.
Энэ үдэр харгыда гарахада, баруун зүг руу муу, бэшэ тээшэ зүглэхэдэ һайн.
Амгалан тайбанай, таряанай хэшэг даллага абахада һайн. Бар, морин, нохой жэлтэй хүнүүдтэ хии мориёо хиидхэхэдэ, һайн үдэр.
Үхэр жэлтэнэй урагшатай гараг; бар, туулай жэлтэнэй буян үйлэдэхэ үдэр. Хулгана, гахай жэлтэндэ
урагшагүй үдэр, һэргэг байха хэрэгтэй.
Үһэеэ абхуулхада – хэрүүл аман дэлгэрхэ.
Июниин 14, гарагай 1, буряад-монгол литээр 29.
Нирманарати замбиһаа бурхад буужа, хүн зоной үйлэдэһэн үйлэ хэрэгүүдэй һайн, мууе сэгнэдэг.
29-дэ дайсаниие номгодхохо, ада шүдхэр дараха, гүү бариха, мал гаргаха, агнаха хэрэгүүдтэ һайн. Бэриин, наһа барагшын хэрэгүүдые үйлэдэхэдэ, дэгэл хубсаһа эсхэхэдэ, адуу малай үһэ нооһо хайшалхада, эд бараа, адуу мал худалдахада, аралжаа наймаа ябуулхада, найрлахада, тушаалда дэбжүүлхэдэ муу.
“Үхэлэй” үүдэн нээгдэнэ: наһа барагшын хэрэгүүдые үйлэдэхэгүй.
Энэ үдэр харгыда гарахада, баруун зүг руу муу, бэшэ тээшэ гэмгүй.
Амгалан тайбанай, эдеэнэй, баялигай, адуу малай хэшэг даллага абахада, һайн үдэр.
Луу жэлтэнэй урагшатай, һайн гараг.
Үһэеэ абхуулхада – һүнэһэн зайлаха.
Жаргал лама ДУГДАНОВ бэлдэбэ
Фото: Анна Огородник
