380
«Буряад Уласта үншэн үхибүүдые болон гэртэхинэй харууһагүй үлэһэн үхибүүдтэ ниигэмэй дэмжэлгэ үзүүлхэ арганууд тухай» гэһэн Буряад Уласай хуулида нэмэлтэ хубилалтанууд ээлжээтэ сессидэ оруулагдаба. Тэрэнэй ёһоор, дээдэ һургуулинуудта үншэн үхибүүдэй орохо онсо эрхэ һунаагдаба.
Дээдэ һургуулида орохо шалгалта амжалтатай тушааһанай удаа, бакалавриат болон специалитедэй талаар программануудта түлөөһэгүйгөөр һураха тухай хуулида хэлэгдэнэ.
Буряадай Арадай Хуралай ниигэмэй бодолгын талаар хорооной түрүүлэгшэ Игорь Марковецэй тэмдэглэһээр, үншэн үхибүүд болон гэртэхинэй харууһагүй үлэһэн үхибүүд бюджедэй мүнгөөр дээдэ һургуулида һураха аргатай болобо.
Һая болотор энэ арга саг зуурын үедэ хэрэглэгдэдэг, жэл бүри болзорынь һэлгэгдэдэг байһан юм. Мүнөө оруулагдаһан хубилалтануудай ёһоор, үншэн үхибүүдэй дээдэ һургуулида орохо сагынь болзоргүй болгогдобо. Хоёр уншалгада хуулиин энэ проект нэгэ дуугаар абтаһан байна.
Фото: pixabay.com
