​Буддын шажантанай заншалта Сангха Буряадай хонишодто хүндэлэлэй тэмдэгүүдые барюулха

Ородой Холбоото Уласай Буддын шажантанай заншалта Сангха хонишодто хүндэлэлэй тэмдэгүүдые барюулжа эхилээ. «1000 мянгатан» гэһэн хүндэлэлэй тэмдэгтэ «Ниигэмэй хонин һүрэг» гэһэн программада хабаадаһан хонишод хүртэхэ. 1000-һаа дээшэ хонидые үсхэжэ, программын шэнэ хабаадагшадта тарааһан хүнүүд урмашуулагдаха юм. Сэлэнгын аймагай Ноёхон нютагай Эдуард Доржиев эгээл түрүүн шагнагдаха.

- Эдуард Доржиев хадаа «Ниигэмэй хонин һүрэг» гэһэн программада тон түрүүшын хабаадагшадай нэгэн. 2014 онһоо 2020 он болотор программаар хүртэһэн 500 эхэ хонидһоо 1400 хурьга тарааһан байна. Энэнь бүхыдөө 7 000 000 түхэригэй болоо, - гэжэ Буддын шажантанай заншалта Сангхада тэмдэглээ.

Хүндэлэлэй хүрэл тэмдэг Ивалгын дасанай «Эрхим Дархан» мастерскойдо Чимит багша Доржиевай хүтэлбэри доро бүтээгдээ.