​​Хоёр дахин гурбадахи

Һаяын үдэрнүүдтэ уласхоорондын гроссмейстер боложо шадаһан Жамсаран Цыдыпов Казань хотодо үнгэргэгдэһэн Татарстан Ула­сай мэдээжэ шатарай һоригшо Рашид Нежметдиновэй мүнхэ ду­расхаалай мүрысөөндэ хоёр дахин III һуури эзэлээ.

Ородой Кубогта хүртэхын түлөө тэмсээнэй нэгэ шата - түргэн ша­тарай мүрысөөн эмхидхэгдээ. Эндэ 150 хүн хабаадаһан байна. Түрүүлжэ гараһан Испаниин Вальехо Понс Франсиско 9 очко абаа. Үшөө дүрбэн шатаршан, тэрэ тоодо Жамсаран Цы­дыпов 8,5 очкотойгоор наадануудаа түгэсөө. Нэмэлтэ тоололгын удаа Буряадай шатаршан хүрэл медальда хүртөө гэжэ тодороо. Тюмень хотын Максим Чигаев II һуурида гараа.

Классическа шатарай мүры- сөөндэ 8 гүрэнэй болон Ородой 30 можо нютагай 179 хүн хабаадаһан байна. Аяар 8 хүн 7 очко абажа шадаа. Энэ ушарта нэмэлтэ тоололго болодог гээшэ. Жамсаран Цыдыпов шангай III һуури эзэлээ гэжэ элирээ. Московско можын Алексей Сарана болон Пензенскэ можын Дмитрий Кокарев Буряадай шатаршанай урда ороо.