592
Биатлоноор Ородой Кубокта хүртэхын түлөө мүрысөөнүүдэй шатануудта Буряадай Кабанск аймагай Селенгинск һууринһаа гарбалтай тамиршад амжалтануудые туйлана.
Декабриин 10-да мүрысөөнэй 3-дахи шата Пермскэ хизаарай Чайковский һууринда эхиеэ абаа. Новосибирскын можын Анастасия Евсюнина түрүүшын үдэрэй урилдаанда шангай 2-дохи һуури эзэлбэ.
Хоёрдохи шатада Анастасия Новосибирскын командатай эстафетэдэ түрүүлһэн байна.
2019 ондо Красноярск хотодо үнгэрэгдэһэн бүхыдэлхэйн оюутадай Универсиадада шангай һуури эзэлһэн Елизавета Каплина баһа амжалтатайгаар хабаадана гээд хэлэлтэй. Ханты-Мансиин тойрогые түлөөлдэг тамиршан 2-дохи шатада хубиин тоосоондо түрүүлһэн байна. Мүн эстафетэдэ шангай гурбадахи һуури эзэлээ.
Автор: Борис БАЛДАНОВ
Фото: Ородой биатлоной эблэлэй зураг
