Үбһэ тэжээл нөөсэлэгдэнэ

Мүнөө жэл хура бороон элбэгээр орожо, үбһэ ногоон һайн байгаа. Зарим газарнууд үерэй уһанда абтаа, гэбэшье, сабшаха га­зарнууд байгаал даа. Хурамхаанай аймагтал ган гасуур үзэгдөөшье һаань, заха булангуудаа сабшажа абаа. Газарай ажал эрхилэгшэд хартаабхаяа, огородой бусад эдеэ­гээ хуряажа эхилбэ. Таряа талхан­шье һайн гараа гэжэ таряашад ба­яртай.

Буряад орондо һүүлшын барим­тануудаар иимэ ургамалнууд хуряагдаа: үбһэн - 422,3 мянган тонно; таримал ногоон - 7,6 мянган тонно; силос - 6,4 мянган тонно.

Үбһэ хуряалгын талаар ай­магуудай дунда түрүүшүүл гэхэ­дэ: Түнхэнэй - 59,8 мянган тонно; Бэшүүрэй - 49,1 мянган тонно; Бай­гал шадарай - 8,1 мянган тонно; За- хааминай - 30,9 мянган тонно; Ка­банскын - 17,2 мянган тонно.

Буряад орондо бүхы дээрээ 373,1 мянган тонно ургаса абахаар хүлеэгдэнэ.