Харгын аюулда орожо гэмэлтээ

Энэ аймшагтай аюул февралиин 9-дэ үдэшын зургаан багаар болоһон юм.

• Эрхүү хотын талаһаа Улаан-Үдэ руу зориһон харгыгаар “Hyundai Creta” автомашина жолоодожо ябаһан 36-тай хүн харгын дүрим эбдэжэ, “Toyota Sai” гэһэн автомашинатай нюур нюураараа мүргэлдөө. “Toyota Sai” гэһэн унаа 22-той хүн жолоодожо ябаа, - гэжэ Буряадай УГИБДД дуулгана.

Аюулай һүүлээр “Hyundai Creta” автомашина соо һуужа ябаһан 36-тай нэгэ эхэнэр эмнэлгын газарта оруулагдаа, бэшэниинь эмшэдтэ үзүүлээд, гэртээ табигдаа.

Харгыда ябахадаа, ехэл ойлгожо, харгын дүрим огто эбдэжэ болохогүй. Аалин ябахадаа, холо хүрэхэш гэһэн арадай үгэ дэмы бэшэ даа. Холын харгыда элдэб ушар боложо магадгүй. Жолоошод өөрынгөө, хажуудаа һууһан зонойнгоо ами наһанда гамтайгаар хандаха хэрэгтэй бшуу.