​Америкэдэ уласхоорондын мүрысөөнэй Гран-при шанда буряад мультфильм хүртэбэ

Буряад хэлэ дэмжэдэг «Найдал» студиин «Манзан Гүрмэ төөдэй» гэhэн мультфильм Америкын Холбоото Штадуудта уласхоорондын мүрысөөнэй Гран-при шанда хүртэбэ. Тус бүтээл 110 ажалнууд сооhоо YouTuber номинацида нэгэдэхи hуури эзэлээ.

2D болон 3D формадуудта анимаци байгуулха программануудай hалбарида түрүүлэн ябадаг Reallusion компани тус хэмжээ ябуулга эмхидхээ.

Фильмын найруулагша болон режиссёр – Олег Юмов, анимациин режиссёрнууд – Александр Наговицын Сергей Степанов хоёр, ахамад уран зурааша – Александра Дугарова, хүгжэм найруулагша – Сарантуя  Жалцанова, анимациин уран зураашад – Дамдин Цыбиков, Баин Бандеев, Александр Беляев, аниматор - Александр Ламуев, абяа буулгагшад - Галина Бадареева, Аринзул Лхашидням, буряадhаа оршуулга - Янжима Ивахинова, Есуна Дугарова, Валентина Патаева, түсэлэй залан хүтэлбэрилэгшэд – Светлана Гомбоева болон Саяна Раднаева.

«Манзан Гүрмэ төөдэй» гэhэн анимационно фильм хадаа Буряад Уласай Толгойлогшын болон Засагай газарай захиргаанай үндэhэтэнэй харилсаануудай болон эрхэтэдэй эдэбхи үүсхэл хүгжөөлгын хорооной грантын хабаадалгаар буулгагдаа.

https://www.reallusion.com/cartoon-animator/event/2020-Animation-at-Work/winner.html энэ хаягаар орожо, YouTuber номинацида мультфильм харахаар