492
Һэргылэмжын бүхы дүримүүд һайнаар сахигдажа, театр харагшадтаяа уулзаха аргатай болобо.
Декабриин 25-да, 26-да олоной үзэмжэдэ Цырен-Дондок Хамаевай «Хэнзэ ногоон» зохёол дээрэ үндэһэлэн, «Амиды бусаһанайш түлөө» гэһэн зүжэг дурадхагдаха. Тус зүжэг Эсэгэ ороноо хамгаалгын дайнай дүүрэһээр 75 жэлэй ойдо зорюулжа, Саян Жамбалов найруулан табиһан байна. Хорото дайнай дүүрэбэшье, хүдөө нютагта боложо байһан үйлэ хэрэгүүд харуулагдана.
Декабриин 27-до,28-да, 29-дэ Буряад театр «Хуби заяанай чемодан» гэһэн комеди ерэжэ харахытнай урина. Инаг дуран, эрэ эхэнэр хоёрой харилсаан, гансаардалга тухай зүжэг олондо һайшаагдахал байха.
Декабриин 26-да,27-до зургаан наһатайһаа дээшэ хүүгэдтэ «Алтан Сэсэг Хүлтүүг хоёр» гэһэн перформанс харуулагдаха. Алтан Сэсэг болон Хүлтүүг гэжэ нэрэтэй һалхин тухай зүжэг уран һайханай, хүгжэмэй аргаар табигдажа, ехэ зохид бүтээл болонхой.
Шэнэ жэлэй амаралтын үдэрнүүдтэ «Улейн басагад», «Ромео болон Джульетта», «Yбгэд+Хүгшэд» зүжэгүүдээ харагшадтаа театрай артистнар дахин бэлэглэхэ.
Буряад театр ерэхэдээ заал һаа нюураа болтонуудаар хаагаад ябаха хэрэгтэй. Театр ороходо бэеынгэтнай халууниие хэмжэхэ, бэе бэеһээнь холо байха шухала. Үшөө тиихэдэ, харагшадай танхим соо 30 % һууринууд эзэлэгдэжэ, иимэ байдалда нэгэ зүжэг харуулагдаха», - гээд театрай мэргэжэлтэд мэдээсэнэ.
Фото: yandex.ru
