Буряадай уран дархашуул

 Тиихэдэ ураданайнгаа һуудал байдалаа дэлгэжэ харуулхаһаа гадна заншалта урлалтай танилсуулдагабди. Хэншье, хэзээдэшье холо газараар ябаад гэртээ ерэхэдээ багаханшье һаань, гар бэлэгтэй гэртэхиндээ, түрэлхидтөө бусадагынь мэдээжэ. Аяншалагшадай һайхашаажа худалдан абаха гарай бэлэгүүдые манай нютагаархин үнинэй бэлдэдэг юм. Эгээл эдэнэй нэгын Павел болон Алла Павловтанай гэр бүлэ нэрлэмээр.

-Хүнэй гараар бүтээгдэһэн, дабташагүй урлалнууд хэзээдэшье сэгнэгдэдэг гээшэ. Бидэнэй гэр бүлын урлалай «Угалза» гэһэн студи модоор, амитанай арһаар, үхэрэй эбэрээр болон мориной туруу хэрэглэжэ жэжэ, томошье гарай бэлэгүүдые бүтээнэбди. Үхэрэй эбэр дээрэ зуража, буряад шарайтай, маягтай хүүхэлдэйнүүдые хэдэгэбди, - гэжэ тус студи байгуулагша уран гартан хөөрэнэд.

Үбгэн һамган хоёр нэгэ бодолтой, нэгэ тээшээ хараатай байхадаа бата бэхи байдаг гээшэ аабза. Эдэ хоёрной анхан танилсахаһаа холо урид ами аминдаа уран зурагай, дарханай һургуули үзэһэн, бэеэ дааһан мэргэжэлтэд байгаа. Гэрэй эзэн Павел угаараа Эрхүүгэй дархашуулай үри һадаһан. Харин тэрэнэй хатан Алла Уран - Дүшэ шүтөөнтэй заха холын Захааминай мүнгэшэ дархашуулай бэлиг абаһан юм.  Али алинайншье зохёохы үргэн зам уран зурагһаа эхитэй. Уран дархашуулай зохёохы зам тухай «Буряад Үнэн» сониноймнай удаадахи дугаарта уншаха аргатайт.