Усть-Ордынхид шалгараа

Эхирид-Булагадай аймагай Олег Смоленков «Эдир Баатар» шэглэлээр, Оһын аймагай Денис Яковлев «Баатар» шэглэлээр Гран-при шангуудые шүүбэ. Буряадай гүрэнэй академическэ оперо болон баледэй театрай тайзан дээрэ илагшадта, шангай һуури эзэлэгшэдтэ мэдээжэ уран дархан Владимир Табитуевай бүтээлнүүд барюулагдаа юм. Гэхэтэй хамта энэ жэл үнгэргэгдэһэн урилдаан Усть-Ордын тойрогой түлөөлэгшэдтэ ехэ урагшатай байшоо. Оһын аймагай Баир Пурбуев “Баатар” шэглэлээр 1-дэхи шатын лауреат боложо тодороо. Харин тус тустаа Айлана Иринцеева, Ольга Альхеева гэгшэд 1-дэхи, 2-дохи һууринуудые, Егор Еронов Номина Башитова хоёр 3-дахи һуури эзэлээ.

« Усть-Ордын Үнэн» сонинһоо