Бэлигэйнгээ дээжэһээ хүртүүлээд...

• Нютагаймнай соёлшод гэртээ ерэхэнь. Аяар 11 тоглолто сэрэгшэдтэ харуулһан манай артистнар ехэл бэрхэнүүд, - гэжэ Буряадай Толгойлогшо Алексей Самбуевич Цыденов дуулгана.

Тусхайтаар бүридхэгдэһэн бүлэгтэ «Байгал», Г.Цыдынжаповай нэрэмжэтэ оперо болон баледэй, дуу, хатарай «Забава» театрнуудай 23 артистнар оролсоо. Тэдэнэр Крым Улас болон Луганск, Донецк шадар хүрэжэ,  бэлигэйнгээ дээжэ сэрэгшэдтэ бэлэглэбэ. 

• Гүрэн түрын зүгһөө тусхай хэмжээ ябуулгада оролсоһон сэрэгшэдэйнгээ һүр һүлдыень үргэхэ, сэдьхэлыень тэниилгэхэ гэһэн зорилготой бидэ иишээ хүрэжэ ерээбди, - гэжэ зүжэгшэд нэгэн дуугаар хэлэнэ.

Түргэн сагай туршада урдаа табиһан зорилгоёо дүүргэжэ, хүбүүднай түргэн гэртээ бусаг лэ даа.