Дээдын табисууртай

Дамбадугар Бочиктоевые хүхюутэй хошон зугаагаар, шог ёгто үгэ хүүрээр халиhан баян дэлгэр ёhото уута туламтай сасуулмаар гэжэ хэлэгдэдэг. Артистын бүхы наhан соогоо суглуулhан «эльгэ хатама» хүхюутэй ба һүбэлгэн хурса зугаануудые хэблэбэл, зузаан томо ном болохо гэжэ тоосоогүй.    Энэшье үдэшэ театрай зал соо сог залитай энеэдэн замхаагүй.

Алдар суута артист «Бадмахан лёнхобо» гэhэн ойн баярта тоглолто дээрээ амаршалгануудые абахын хажуугаар арадай дуунуудые уянгата hайханаар гүйсэдхэжэ, сугларагшадые хужарлуулаа. «Хориин тайшаанарай магтаал», «Ганга мүрэнэй жэргэмэл» г.м. урдын буряад аялгата найруулганууд үнгэрhэн ба мүнɵɵнэй сагуудай таhаршагүй бүхэ холбоогой hүлдэ тэмдэгээр зэдэлhэн байна.

Буряадай соёлой сайд Соёлма Дагаева Дамбадугар Бочиктоевто «Буряад Уласай урда габьяагай түлɵɵ» гэhэн медаль барюулаа.