Буряадаймнай соёлшод-Энэдхэгтэ

Буряадаймнай дуушад, хүгжэмшэд Буряад Уласай соёлой сайд Соёлма Дагаева түрүүтэй энэ үзэсхэлэндэ оролсобо. Ород Уласаа болон түрэл Буряад нютагаа холын газарай ажаһуугшадта тэдэ мэдүүлжэ байнад.

Ород Уласнай олон үндэһэ яһатанай түрэл нютаг гээшэ. Буряадай түлөөлэгшэдһөө гадна Татарстан, Башкир Уласуудһаа, мүн Ханты-Мансиин тойрогһоо айлшад хүрэжэ ерээ.

-Үнгэрэгшэ 2 үдэрэй туршада олон зоноор танилсаабди. Бидэнэй зохёоһон талмайда тоогүй олон зон ерэжэ һонирхоо. Туяна Тыхеевагай тэнгэриин бэшэг олоной һонирхол татаа. Баттувшинай хүгжэмтэ зэмсэг дээрэ наадахадань, сугларагшад хужарлан байжа шагнана. Буряадаймнай Оперо болон баледэй театрай гол дуушадай нэгэн Билигма Ринчинова һайхан хоолойгоороо зоной сэдьхэлдэ сэсэг таряа. Музейн мэргэжэлтэн Эржена Найданова Буряадайнгаа соёл уралигай һайханиие үзүүлээ, - гэжэ соёлой сайд Соёлма Дагаева хөөрэнэ.

Ород Уласай делегациин бүридэлдэ ороһон түлөөлэгшэднай Энэдхэг ороной арад зониие Буряадайнгаа соёлтой танилсуулһаар.