405
Түсэбөөр 40 мянган шахуу гектарта малай хоолой тарилга үргэлжэлнэ. Мухар-Шэбэрэй аймаг рейтинг толгойложо, тэндэ 18 мянган шахуу гектар газар орооhо тарилгада үгтөө. 15 мянган гектарта орооһо тариһан Бэшүүрэй аймагай хүдөөгэй ажалшад хоёрдохи һуурида ябана. Тиихэдэ Тарбагатайн аймаг гурбадахи байна. Тэндэшэниисэ болон ондоо орооhото ургамалнуудай тарилгаар 11 мянган шахуу гектар эзэлэгдээ.
- Россельхоз-түбэй мэдээгээр, хабарай тарилгын ажалнуудые үнгэргэхын тула орооhоной болон малай хоолой 22 мянган тонно үрэhэн гаргагдаа. Үшөө тиихэдэ, 23,4 тонно үрэhэн хэрэгтэй байгаад, Эрхүү можоhоо абтагдаа, -гэжэ Буряад Уласай хүдөө ажахын сайдай орлогшо Булат Цыренжапов дуулгаба. Огородой эдеэнэй болон хартаабха тарилгын түсэб үлүүлэн дүүргэгдээ. Уласта
хоёрдохи хилээмэн арба хахад шахуу мянган гектарай газарта hуулгагданхай, морхооб, хапуста, свёкло болон газарай бусад ургамалнууд 1600-hаа ехэ гектар эзэлнэ.
Уларилай hайн байдалда тарилгын ажал үнгэрөө. Май болон июнь hарануудта ехэнхи газарта ашаг шэмэгтэй бороо хура ороо, харин зарим аймагуудта ган гасуур тогтоо hэн.
130 миллион түхэриг федеральна болон уласай бюджедhээ тарилга эхилхын ажалда үгтөө. Энэ жэл ажынуудта өөрын үрэhөөр хангалга 90 процент байгаа, - гээд Буряад Уласай хүдөө ажахын яаманһаа мэдээсэнэ.
