427
Һургуулиин 1170 хүнэй гол байшаниинь 1981 ондо баригдаһан. Харин мүнөө 2577 үхибүүд, 79 анги хоёр халаанда hурана. Сентябриин 1-һээ һурагшадай тоо олошорхо болоно. Гурбан халаан болохогүйн тула, шэнэ байшан баригдана. Шэнэ блок соо ахалагша (10-11) ангиин 350 һурагшад болон 6-дахи ангиин 280 үхибүүд хоёрдохи халаанда һураха аргатай. Нэгэдэхи дабхарта басагадай оёдолой болон гэрэй ажалай, хүбүүдэй мастерской, һуралсалай таһалганууд байха. Хоёрдохи дабхартань һуралсалай таһалгануудай
хажууда үшөө 70 һуудалтай актова зал. Гурбадахидань бэеэ һорилгын зал болон хэшээлһээ гадуур хүгжэм үзэлгын таһалга. Химиин, физикын, биологиин болон информатикын таһалганууд соо лабараторинууд байха.
Гурбадахи халаан үгы хэхэ арга хэмжээнүүд бүхы Буряад орондо үргэлжэлнэ. 2020 он дүүрэтэр шэнэ гурбан һургуулинууд, 2021 ондо нэгэ һургуули ашаглалгада оруулагдаха.
Тиигээд, Улаан-Үдэ хотын Железнодорожно аймагай Октябриин 50 жэлэй үргэн гудамжын №40-дэхи hургуулиин барилга үргэлжэлнэ, Советскэ аймагай Автотранспортна гудамжаар 2021 ондо 1275 хүнэй эгээл томо hургуули табигдаха түсэбтэй. Үшөө тиихэдэ, Загарайн аймагай Нижние Тальцы тосхондо энэ жэл 450 hурагшадай hургуули бии болохо, Түнхэн аймагай Аршан нютагай
450 үхибүүдэй hургуулиин барилга үргэлжэлнэ. «Образование» үндэhэн түсэлөөр 1834,63 миллион түхэригтэ барилганууд ябуулагдана.
