727
Ородой Холбоото Уласай Юрэнхылэгшэ Владимир Путинай даабаряар тахал үбэшэнэй дэлгэрhэн үедэ эмнэлгын туhа хүргэлгэдэ можо нютагуудта 10 миллиард түхэриг дамжуулагдаа.
Һомологдоhон мүнгэн транспортаар хангалгада, бэеэ аршалха хэрэгсэлнүүдтэ, эмнэлгын эмхинүүдэй материальна-техническэ бааза hайжаруулгада, COVID-19 үбшэнтэниие элирүүлхэ, тэдэниие эмнэлгэдэ дамжуулагдаха юм.
Байгша оной хабар, зун Буряад Уласта федеральна бюджетhээ 402,4 сая түхэриг үбшэнтэниие аргалха hуури байгуулгада дамжуулагдаhан байна. Энэ дэмжэлгын ашаар эмнэлгын тоног хэрэгсэлнүүд худалдан абтаа. Мүнөө улас дотор 2541 койко-hуури байгуулагданхай.
Коронавирус үбшэнтэниие эмнэлгэдэ уласай бүхы эмшэд хабаадуулагдана. Тэрэ тоодо, хубиин эмхинүүдэй эмшэд, Буряадай гүрэнэй ехэ hургуулиин болон эмнэлгын колледжнүүдэй оюутад. Элүүрые хамгаалгын хүдэлмэрилэгшэдые урмашуулгада федеральна бюджетhээ нэгэ миллиардhаа дээшэ түхэриг hомологдоо.
Тиихэдэ шэнжэлгын хэмжээ ябуулгануудые эмхидхэлгэдэ уласта 13,5 сая түхэриг Алас Дурнын тэдхэмжын хэмжээндэ дамжуулагдаhан байна.
Источник: Буряад Уласай Засагай газарай мэдээсэлэй албан
Фото: Буряад Уласай Засагай газар
