​Буряадай «Селенгинск» hуурин – ниигэмэй-эдэй засагай талаар түргэн хүгжэлтын талмай

2013 оной декабриин 12-то Ородой Холбоото Уласай Юрэнхылэгшэ Владимир Путин Федеральна суглаанда хандахадаа, Алас Дурна зүгтэ ба Сибирьтэ ниигэмэй-эдэй засагай талаар түргэн хүгжэлтын талмайнуудые байгуулха тухай мэдүүлгэ оруулһан юм. Энэ программын гол зорилго гэхэдэ, эдэ талмайнуудта олзын хэрэг эрхилэгшэдтэ тон тааруу байдал зохёон байгуулха. 2019-2020 онуудта зарим можо хизаарнуудта ганса олзын хэрэг хүгжөөхэ бэшэ, харин инфраструктурыень бүтээхэ хэрэгтэй бшуу даа гээд хэлэлтэй.

Буряад Уласай Кабанск аймагта  2017 оной июнь һарада “Селенгинск” гэһэн ниигэмэй-эдэй засгай талаар түргэн хүгжэлтын талмай байгуулагдаа һэн. 2020 оной сентябрь һарада Алас Дурна зүгтэ Ородой Холбоото Уласай Юрэнхылэгшын бүрин эрхэтэ түлөөлэгшэ, Россиин Засаг газарай Түрүүлэгшын орлогшо Юрий Трутневэй тогтоолоор, “Селенгинск” – Алас Дурна зүгэй федеральна тойрогой ниигэмэй-эдй засагй талаар түргэн хүгжэлтын талмай гээд нэрлэгдээ. Тиигэжэ Россиин Зүүн зүгэй хүгжэлтын яамантай хэлсээн баталагдаа. Энэ талмайда мүнгэ шэглүүлхэ зондо ехэ һайн байдал зохёогдонхой. Байһан хүнгэлтэнүүдтэ үшөө шэнэ хүнгэлтэнүүд нэмэгдэбэ.

Нэрлэбэл:

• НДС -эй хуби түргөөр бусааха;
• резидентнуудые инфраструктурада түргэн оруулха;
• хари гүрэнүүдһээ ажалшадые хүлһэлхэдэнь тусхай зүбшөөл хэрэггүй;
• капитальна заһабарилгада дансануудыень түргэн бүтээхэ;
• шалгалтанууд үсөөнөөр хэгдэхэ.

Мүн тиихэдэ резидент болохоёо һанаһан уладууд 500 мянганһаа ехэ мүнгэ шэглүүлхэ ёһотой. “Селенгинск” хүгжэлтын талмайн ажалые “Алас Дурна зүгэй корпораци” гэһэн акционернэ эмхи хүтэлбэрилхэ.