548
Буряадай ажаһуугшад цифровой экономикодо миинтээр һураха аргатай болоо. Буряад Улас цифровой экономикодо һуралсал гараха программаар Россиин 48 можо хизаарнуудай тоодо оролсоо.
Гүрэн цифровой экономикодо һураха зүбшөөлнүүдые байгша оной октябриин 15-һаа хубаажа эхилээ. Энэ хэмжээ ябуулга федеральна “Цифровой экономикын мэргэжэлтэд” гэһэн программын дүхэриг соо эмхидхэгдээ. Иимэ зүбшөөлнүүдые 18 наһа гүйсэһэн, наһанайнгаа амаралтада гараагүй хүнүүд хүртэхэ эрхэтэй. Тэдэнэр дунда гү, али дээдэ мэргэжэлэй һургуули дүүргэһэн байха еһотой. Буряад Уласта ажаһуудаг гэһэн зүбшөөлгүйгөөр һуралсал гаража шадахагүйт. Тусхай зүбшөөл абаһан зондо 72 академическа сагай хубааритай курсанууд үгтэхэ. Һуралсал гэрһээ эмхидхэхээр. Энэ 72 сагай курсануудые үзэжэ гарахадатнай, танда цифровой экономикодо эрдэм мэдэсэеэ дээшэлүүлбэт гэһэн үнэмшэлгэ үгэгдэхэ юм. 22 һалбаряар һуралсал гарахаяа, мүн зүбшөөлэй сертификат абахаяа тодорхойгоор мэдэхэеэ һанабал, цифровойсертификат.рф гэһэн сайт дээрэ танилсаха аргатайт. 2020 ондо 48 можо хизаарнуудһаа дьдь мянган зон миинтээр һуража гараха аргатай байба. Жэшээлхэдэ үнгэрһэн жэлдэ арай шамай ҕ мянган хүн һуража гараһан байгаа. “Цифровая Россия” гэһэн үндэһэн проект мүнөө сагта ехэ тааруу, нэмэлтэ һуралсал гарахаяа һанаһан зон жэлһээ жэлдэ олон боложол байна гээд Ородой Холбоото Уласай Засагай газарта хэлээ. Саашадаа энэ программа үргэлжэлхэ юм хаш даа.
Автор: Эрдэни РАДНАЕВ
Фото: zen.yandex
