1280
Буряад Улас дотор ноябриин 9-һөө 13 болотор олзын хэрэг эрхилэлгэдэ һургалгын һуралсал харилсаагүй аргаар үнгэргэгдэхэнь. Энэ хэмжээ Улаан-Үдэ хотодо ажалладаг «Мой бизнес» түбэй мэргэжэлтэд, Буряад Уласай Засагай Газарай, Үйлэдбэриин болон худалдаа наймаанай яаманай тэдхэмжээр эмхидхэнэ.
Табан үдэрэй туршада өөһэдын олзын хэрэг эрхилэлгын гол асуудалнуудаар мэдээсэл үгтэжэ, ямар шэглэлээр ажал ябуулха тухай тодорхой һуралсал болохонь. Эндэ Ородой Холбоото Уласай маркетингын талаар түрүү мэргэжэлтэд, олзын хэрэг эрхилжэ, амжалта туйлаһан зон хабаадалсаха. Эдэнэр һуралсалда хабаадаха хүнүүдтэй хөөрэлдэжэ, ямар ажал ябуулбал мүнөө сагта таарамжатай, олзо оршотой байхые хэлэжэ үгэхэ, зүбшөөл, туһаламжа үзүүлхээр бэлэн. Һуралсал Synergy.Online. сүлжээндэ сэхээр дамжуулагдаха. Түлбэригүй аргаар энэ һуралсал болохо. Тус ссылкээр https://synergy.online/lp/ulanude/education/орожо, мэдүүлгэ үгэхэ аргатайт.
Фото: egov-buryatia.ru
