​Буряад Уласта үндэhэн түсэлнүүд бэелүүлэгдэhээр

Үндэhэн түсэлнүүд гүрэнэй хүгжэлтын тон ехэ арга боломжо гээшэ. Ниигэмэй-эдэй засагай hалбари хүгжөөхэ талаар түсэлэй аргаар ехэ ажал хэгдэнэ. Буряад уласта үндэhэн түсэлөөр олон барилга ябуулагдаhаар.

2020 ондо Улаан-Үдэ хотодо харгынуудые барилгын талаар ехэ ажал хэгдээ. Холын hууринуудта үндэhэн түсэлөөр харгынууд хэгдэhэн байна. Улаан-Үдэдэ 29 талмайн харгы барилгада 700 сая түхэриг hомологдоо. Энэнь 2019 онтой зэргэсүүлхэ болоо hаа, хоёр дахин ехэ болоно. 30 километр харгын 306 дүрбэлжэн метр хушагдаа.

«Гэр байра болон хотын оршон» гэhэн түсэлөөр олон талмай баригдана. Ажаhуугшад өөhэдөө хаана, ямар газарта анхарал хандуулхаб гэжэ шэлэнэ. Улаан-Үдэ хотын мэр Игорь Шутенковой тэмдэглэhээр, хүүгэдэй наадаха талмай, тамирай талмайнууд баригдана. Хүн зоной ганса амарха бэшэ, мүн бэе тамираа hорихо аргатай талмайнууд баригдана. Железнодорожно хороодо 2020 ондо – 18, Октябрьска хороодо -18, Советскэ хороо 20 хорёо заhабарилагдаа, асфальт хэгдээ, хүн зоной ябагаар ябадаг харгы, hандали, бог шорой хэхэ хүнэгүүд гэхэ мэтэ хэгдээ.

«Байлдаанда ошоhон үетэндэ» гэhэн сэсэрлиг заhабарилагдажа, ашаглалгада тушаагдаhан байна. Ажаhуугшад энэ газарые ехэтэ гоёшооно, hайнаар хээ гээд хэлэнэ. Тиихэдэ «Демографи» гэhэн түсэлөөр хүүгэдэй сэсэрлигүүдтэ ээлжээниие усадхалгын талаар ехэ ажал ябуулагдаа. Хүүгэдэй 14 сэсэрлиг ашалгалгада тушаагдаhан байна.  «Физкультурно-элүүржүүлгын байшангууд нүгөө жэлдэ баригдаха түсэбтэй. 22-дохи, 17-дохи, 52-дахи hургуулинуудай дэргэдэ, Дээдэ Онгойстодо «Зорька» лагериин дэргэдэ тамирай комплекс хэгдэнэ.Тулунжын зон үнинэй хүлеэhэн футбол наадаха талмайтай болоо.

«Болбосорол» гэhэн түсэлөөр Улаан-Үдэ хотодо 3-дахи халаан усадхагдаа. Автотраспортная гудамжаар 1275 hурагшадай hууритай эгээл томо hургуули баригдажа эхилээ. Мүн 49-дэхи hургуулида 350 hууритай залгаа баригдана. 40-дэхи hургуулида 450 hурагшадай hууритай шэнэ байшан баригдана. Россиин Юрэнхылэгшын зарлигаар үндэhэн проектнууд бэелүүлэгдэнэ гээд тэмдэглэлтэй.