​Уласхоорондын экспортын форум Ородой Холбоото Уласта эмхидхэгдэхэ

Байгша оной декабриин 9-дэ Россиин ниислэл хото Москвада «Сделано в России» гэhэн Уласхоорондын экспортын форум үнгэрхэнь.

«2020 оной эдэй засагай һалбарида «шухала ашаг үрэтэй хэмжээнүүд хэрэгтэй», «хэлсээ холбооной, харилсаанай талаар хубилалтанууд» гэһэн тезисүүд анхарал татанхай. «Сделано в России» гэһэн хуралдаанай дискуссинууд баһал энэнэдэ хабаатай: Россииhаа хари гүрэн руу эд бараа, эдеэ хоол гаргахада юун hаалта хэнэб? Худалдаа наймаанда hаад ушаруулhан саарhа дансануудай эрьесэ, электрон аргаан яагаад худалдаа бүри hайн?  «Ехэ hонирхолтой байха, хабаадагты, - гэжэ «Российский экспортный центр» бүлгэмэй юрэнхы захирал Вероника Никишина хандана бэлэй.

Энэ форумай түүхэ 2012 онhоо эхиеэ абана. Короновирус үбшэнэй дэлгэрhэн ушарhаа боложо, тус хэмжээ ябуулга анха түрүүшынхиеэ онлайн аргаар эмхидхэгдэхэ. Видеоконференцхолбоогоор эндэ тэндэhээ элидхэл хэгшэд оролсохо.

Хуралдаан зургаан дүхэриг шэрээнүүдтэ хубаарха.

Суглаанай дүхэригтэ олзын хэрэг эрхилэгшэд Ородой Холбоото Уласай  Засагай газарай гэшүүдhээ hонирхоһон гү, али толгойн шарха болоhон асуудалнуудаа hураха аргатай байха. Экспортын саашанхи харгы замууд, хари гүрэндэ баян наймаашадые яагаад hонирхуулхаб гэhэн мастер классууд үнгэргэгдэхэ юм. Һүүлээрнь эгээн эрхим эскпортёрнууд гэhэн гүрэнэй шан барюулагдаха, баярай бэшэгүүд тараагдаха байна.