​Буряадай амарха газарнуудта наранай элшын зайн гал хэрэглэгдэнэ

Буряад Уласай аяншалгын яаманай сайд Мария Бадмацыренова зошод буудалнуудай эзэдтэй дүхэриг шэрээдэ хабаадаба. Наранай элшэнэй батарейнүүдээр хангаха тухай хөөрэлдөөн болоо.

 2019 ондо Буряад Уласай аяншалгын яаман шэнэ тэдхэмжэ үзүүлхэ тухай шиидхэбэри абаһан байна. Зошод буудалдаа наранай элшын батарейнүүдые абахадань, гаргашынь 90%-нь бусаагдаха болоно. 300 мянган түхэриг хүрэтэр мүнгэн үгтэхэ ёһотой. Харин 2020 ондо тэдхэмжэ 500 мянган түхэриг болотор нэмээгдээ.

2019 ондо дүрбэн зод буудалнууд болон амаралгын газарнууд тэдхэмжэ абаха тухай мэдүүлгэ оруулаа. Кабанск аймагай “Теремки”, Баргажан аймагай “Матрёшка”, “Кумуткан” гэһэн амаралгын баазануудай хүтэлбэрилэгшэд яагаад саарһа данса суглуулжа, тэдхэмжэ абаһанаа сугларагшадта хөөрэжэ үгөө. Наранай элшээр батарейнүүдые хэрэглэхэдэ хэр зэргэ байнаб гэжэ хубаалдаа.