475
Буряад Уласай түлөөлэгшэд Ород Уласай харалганда амжалта туйлажа, үндэр нэрэ зэргэдэ хүртэбэ. Загарайн аймагай олзын хэрэг эрхилэгшэд Максим болон Елена Зарубинтанай гэр бүлэ «Золотой фонд регионов. 2020 оной Эрхим хүн» гэһэн шангай «Семейный бизнес» номинацида эрхимлэбэ.
«Перспектива» гэһэн можо нютагуудай хүгжэлтын жаса Ород Уласай эгээл эрхим 110 олзын хэрэг эрхилэгшэдые шэлэжэ, тэдэнэртэ тусхай үнэмшэлгэ, бэлэгүүдые барюулдаг заншалтай. Энэ удаа Москва хотодо амжалта туйлаһан зониие амаршалгын ёһолол үнгэрбэ.
Зарубинтан худалдаа-наймаа ябуулхаһаа гадна ниигүүлэсхы сэдьхэлэй туһаламжа нютагаархиндаа үзүүлдэг юм. Нютагайнгаа хүгжэлтэдэ, һүмэ барилгада арга шадалаараа туһалжа байдаг. Энэ бүлэ "Ород Уласай бага болон дунда олзын хэрэг эрхилэлшэд» гэһэн номдо оруулагдажа, олоной омогорхолдо хүртэбэ.
Фото: infpol.ru
