​Олзын хэрэг эрхилэгшэдэй тоо толгой бүридхэгдэхэ

Ерэхэ жэлэй эхиндэ Росстадай мэргэжэлтэд олзын хэрэг эрхилэгшэдэй тоо толгой бүридхэхэ. Энэ ушараар Буряад Уласай Засагай газарай мэргэжэлтэд энэ хэмжээ ябуулгада эдэбхитэйгээр хабаадыт гэжэ уряална. Эндэ гол түлэб жэжэхэн эмхинүүдэй хүтэлбэрилэгшэд хабаадаха аргатай.

Ородой Холбоото Уласай бүхы эмхи зургаануудай 75 хубинь үмсын, олзын хэрэг эрхилэгшэдэй ажахынууд болодог юм. Эдэ эмхинүүдтэ 15 сая хүн үдэр бүри ажаллана. Энэ һалбариин хүгжэлтэһөө бүхы гүрэнэй саашанхи байдал сэхэ дулдыдана.

Тиимэһээ гүрэн түрымнай хүтэлбэрилэгшэд энэ һалбариин бэрхэшээлнүүдые шиидхэхэ зорилготойгоор иимэ ябуулга хэнэ ха.

Ородой Холбоото Уласта иимэ олзын хэрэг эрхилэгшэдэй тоо бүридхэлгэ табан жэлэй нэгэ удаа үнгэрдэг.