​Буряад Уласай ажалшадай салин тухай

Буряад Уласай эмхи зургаануудай олонхи ажалшад 21 мянган түхэригһөө 48 мянган түхэриг хүрэтэр салин хүлһэ абана. Энээн тухай Буряад Уласай эдэй засагай яаманай мэдээсэлэй албан дуулгаба.

Хүдэлжэ ябаһан зоной 3,4 хубинь 100 мянган түхэригһөө ехэ салин абадаг байна гээд  мэргэжэлтэд тэмдэглэнэ. Иимэ ехэ салин абадаг зонойнгоо тоогоор Буряад Улас Ородой Холбоото Уласай можо нютагуудай дунда 34-дэхи һуурида гараба. Мүн тиихэдэ Буряад Уласта 15 мянган түхэригһөө жаа салинтай зоной хубинь 4,6 % хүрэнэ.

Магадан, Чукотко, Камчатка болон Саха Яхадай уласуудта 100 мянган түхэригэй салин абадаг зоной тоо эгээл олон гээд элирүүлэгдээ.