511
Буряадай ниислэл хотодо гудамжануудай гэрэлтүүлгэ шэнэлэгдэхэ. 1990-ээд онуудай һүүл багта заһабарилагдаһан оньһон хэрэгсэлнүүдэй орондо мүнөө үеын ашаг үрэтэй гэрэлтүүлгэ хэгдэхэ. Алмагдаһан мүнгөөр шэнэ кварталнуудта зайн галай шэнэ һужаануудые барилгада дамжуулагдаха.
Энэ ажал нээмэл мүрысөөндэ илаһан Москвагай «Энергоника» бүлгэм болон «Горсвет» эмхиин баталагдаһан хэлсээнэй ёһоор хэгдэхэ. 207,7 сая түхэригэй хэлсээн баталагдааа. Улаан-Үдын засаг дарга Игорь Шутенков, хотын һунгамалнуудай зүблэлэй түрүүлэгшэ Чимит Бальжинимаев, хотын ажахын хорооной үрүүлэгшэ Сергей Гашев болон «Энергоника» компаниин түлөөлэгшэд дансада гараа табиба.
- Иимэ энергосервиснэ хэлсээнүүд газаахи гэрэлтүүлгэ хангалгада бюджетһээ гаргашалагдаха мүнгэ алмана. Тиигэжэ алмагдаһан мүнгэеэ хубиин гэрнүүдэй болон шэнэ кварталнуудта һужаануудые барилгада дамжуулхабди. Хэлсээнэй ашаар, жэл бүри хотын бюджедтэ 27 саяһаа дээшэ түхэриг алмагдаха, хэлсээнэй бүхы болзорто – 100 сая түхэригһөө дээшэ, - гэжэ Игорь Шутенков хэлэбэ.
Фото: Улаан-Үдэ хотын захиргаан
