Дулаан шэмэг

Аха дүү Монгол сайхан орондомнай нүүдэлшэ арадайнгаа заншал мүнөөшье алдаагүй. Табан хушуу малаа зэргэ үдхэжэ ажамидаралаа зохёоһоор. Ямаан һүрэг үсхэбэрилжэ, дулаан нооһыень һамнажа абадаг, тэрэнээ саашань үйлэдбэрилдэг хүдөө ажахынуудые гүрэнэй, мүн олзын хэрэг эрхилэгшэдэй талаһаа дэмжэхэнь. Хубиин банканууд нэгэ жэл болзортойгоор 200 миллиард (70,2 млн доллар)  монгол түхэриг, хүдөө ажахын эмхинүүдтэ 3 % процент хүнгэлэлтэтэй урьһаламжа үгэхэ юм. 
Нёдондо жэл иимэ туһаламжада 40 эмхинүүд хүртэһэн байна. Гэбэшье эдэнэй оройдоол 18 эмхинь кашемир үйлэдбэрилдэг ажалтай гээд эли болоо. Энэ ушараар Монгол ороной Засагай газарай талаһаа мэдүүлгэ оруулһан эмхинүүдые һайн шалгаһанай удаа хүнгэлэлтэтэй урьһаламжа үгэхэ болоно. 
Монголой хүдөө ажал эрхилэгшэд  жэлэй туршада дунда зэргын 10 000 тонно кашемир үйлэдбэрилдэг, байгша ондо 9 700 тонно үнэтэй нооһо абахаар хараална. Һамнажа абаһан дулаан нооһоёо эдэнэр 1 тоннын түлөө 150 000 монгол түхэриг абана.  
Манай Буряад Улас дотор ямаан һүрэг үсхэбэрилдэг хүдөө ажахы гэжэ үсөөн, бүри үгы шахуу гэжэ хэлэмээр. Ямаан һүрэг адуулхадаа һайн шанартай һү, мяха олзоборилхоһоо гадуур, дулаан һайн шанартай кашемир үйлэдэбэрилжэ ехэ мүнгэ олохоор.