“Бог шоройдоо дарагдажа байнабди. Туһалыт!”

Кабанскын аймагай Селенгинск тосхондо бог шорой саг соогоо абаашажа хаягданагүй. Энээн тухай гомдол тус нютагай ажаһуугшад барижа, шалгалта эмхидхэгдээ. Хиналтын эмхинүүдэй мэргэжэлтэд шалгалта хэжэ, «ЭкоАльянск» бүлгэм саг соогоо өөһэдынгөө уялгануудые дүүргэнэгүй гэжэ, бог шорой ехээр суглараад байна гээд тодорхойлогдоо. Бог шорой хэдэн үдэрэй туршада суглархаһаа гадна, санитарна хиналтын дүримүүд ехээр хазагайруулагдаа гэжэ нэмэе. Тиимэһээ «ЭкоАльянс» бүлгэмэй түлөөлэгшэд ажалаа саг соонь ябуулха уялгаяа бэелүүлхэһээ гадна, харюусалгада хабаадуулагдаха болобо. Тэрээн тухай мэдүүлгэ захиралда үгтэнхэй.