«Томск Екатеринбург хоёрые угтагты!»

Байгша оной апрелиин 25-һаа октябриин 24 болотор Томск, Екатеринбург хотонуудһаа Улаан-Үдэ хүрэтэр самолёдууд ниидэжэ байха. Буряад Уласай Засагай газарай, Томскын можын захиргаанай хэлсээгээр, Ород Уласай транспортын яаманай дэмжэлгээр «Улаан-Үдэ-Томск-Екатеринбург» гэһэн шэглэлээр «Red Wings Airlines» компаниин самолет ниидэдэг болобо.
Үсэгэлдэрһөө эхилжэ, Буряад Уласай ажаһуугшад эдэ хотонууд хүрэтэр сэхэ ниидэжэ ошохо аргатай.

Үнгэрһэн амаралтын үдэр түрүүшын рейс Улаан-Үдэ хотын «Байгал» аэропорт дээрэ буухадань, авиациин нангин заншалаар уһаар салют хэжэ угтаа. Томск, Екатеринбург хүрэтэр самолёдоор ниидэжэ ошохо биледүүд уридшалан худалдагдажа эхилһэн байна. Буряад Уласай Толгойлогшо Алексей Цыденов, Томскын можын губернатор Сергей Жвачкин гэгшэдэй хэлсээгээр шэнэ  рейсдэ субсидитай биледүүд наймаалагдана. 

Амаралтын үдэр энэ рейсээр самолёт ниидэжэ байха гээд дуулгая.