​Улаан-Үдэдэ хото барилгын түсэбтэ хубилалтанууд оруулагдаба

Улаан-Үдэ хотын газар дэбисхэр хэрэглэлгын дүримдэ зарим хубилалта оруулагдаба. Хотын генеральна түсэбөөр хараалагдаhан "Һуурин тосхоной газар" гэhэн талмай "үйлэдбэриин газар" гэжэ тоологдобо. Тодорхойлбол, Домостроительная гудамжаар оршоhон хэдэн гектар газарые Буряадай түрүүлэн хүгжэлтын дэбисхэрэй нэгэ резидентдэ дамжуулха зорилготойгоор энэ шиидхэбэри абтаа.

Улаан-Үдын Һунгамалнуудай зүблэлэй хото барилгын политикын талаар Хорооной ээлжээтэ зүблөөн дээрэ ниислэл хотодо светофорнуудые тодхохо эрхэ тус хороондо дамжуулагдаба. Анхан энэ хэрэг Хотын ажахын хорооной мэдэлдэ байгаа. Энэ асуудалhаа гадна Улаан-Үдын голой эрьеын дэбисхэрэй аша үүргэ ондоо болгогдоо. Хотын 19-дэхи hургуулиин газарые муниципальна мэдэлhээ уласай мэдэлдэ дамжуулагдаба. Иимэ хубилалтын ашаар тус hургуули федеральна программада орохо эрхэтэй болоод, залгалаа бариха алта мүнгэндэ хүртэхэ аргатай болобо гээшэ.