​Улаан-Үдын авиационно заводто – шэнэ түхэлэй вертолёт

Москва хотын “Крокус Экспо” гэһэн түбтэ вертолёт бүтээдэг эмхинүүд хэдэн үдэрэй туршада сугларжа, хэһэн бүтээлнүүдээ дэлгээбэ. Тэндэ түрүүшүүлэй тоодо манай авиазавод оролсобо.

Харалга дэлгэсын үедэ Улаан-Үдын авиационно заводтой хэлсээн баталагдаба. Тэрэ хэлсээнэй ёһоор, авиазавод 2024 оной һүүл болотор 5 вертолёт бэлдэжэ, Ородой вертолёдой һалбарида дамжуулха юм.

- Шэнэ түхэлэй VRT500 вертолёт «Vertex Aero» гэһэн эмхи зохёон байгуулһан юм. Энэ түхэлэй вертолёт авиазаводой бүтэхэ аргада хүртэһэниинь дэмы бэшэ. Ушар юуб гэхэдэ, Улаан-Үдын авиационно завод энэ һалбарида эгээл түрүүшүүлэй зэргэдэ ябана. Хэһэн эдэ бүтээлнүүдынь гансашье манай гүрэн дотор эрилтэтэй байха бэшэ, харин гадаада ороной арад зондо һонирхолтой байха бэзэ гэжэ найдая, - гээд, Буряад Уласай Толгойлогшо Алексей Цыденов тэмдэглэнэ.

VRT500 түхэлэй багахан вертолёт хүнгэн - эрьюулгэнь нэгэ һэлюуртэй. Тэрэнэй эгээл холо ниидэхэ зайнь 900 модо юм. Хэрэгтэй болоо һаань, тэрэнэй зосоохинь түргэн дары һэлгэгдэжэ, үбшэн зониие зөөхэ, али ашаанай онгосо болгогдохо аргатай юм. Харин арад зониие зөөхэ гэбэл, бүхыдөө 6 хүниие багтааха аргатай.