685
Хүршэ Монгол гүрэндэ Монпеллетс гэһэн үйлэдбэри хониной нооһоор үтэгжүүлгэ болбосоруулжа, гүрэн дотороо худалдахаһаа гадна, Европын гүрэнүүдтэ тараана.
Тус компаниин гүйсэдхэхы захирал Б.Цогбадрах гэгшын хэлэһээр, һүүлэй арбан жэлэй ажалай ехэнхи хубинь үйлэдбэрилһэн үтэгжүүлгын шэнжэлгэнүүдтэ болон туршалгануудта зорюулагдаа.
«Үйлэдбэрилэгдэһэн шэнэ зүйл Германи лабораторна шэнжэлгэнүүдые хэхэ гэжэ эльгээгдэһэн байна. Тэдэнэй шэнжэлгын дүнгүүдээр, 2018 ондо баригдаһан заводто болбосоруулагдаһан үтэгжүүлгэ һайн шанартай, азодоор баян гээд элирээ», - гэжэ Б.Цогбадрах тайлбарилна.
2020 онһоо хойшо энэ компани үйлэдбэриеэ Германи ябуулна. Хониной нооһоор үтэгжүүлгэ болбосоруулдаг эмхи Монголой хонишод, малшад, компанинууд болон кооперативуудтай нягта харилсаатайгаар ажалаа ябуулжа, 2019 ондо хари гүрэндэ оруулха үнэмшэлгэтэй болоһон байна.
Хониной нооһоор хэгдэһэн үтэгжүүлгэ хадаа Швейцариин органическа хүдөө ажахын институдта албан ёһоор бүридхэлдэ оруулагдаһан Монголой ганса үйлэдбэри болоно.
Фото: Монцамэ
