400
Байгал далай хамгааллха талаар Буряад Уласта 96 сая түхэригэй нэмэлтэ тэдхэмжэ түлэгдэхэ. Эн мүнгөөр Выдрино нютагта сэбэрлэлгын түхеэрэлгэнүүд баригдаха гэжэ Ородой Холбоото Уласай Барилгын яаманай сайт мэдээсэнэ.
«Ородой Холбоото Уласай Юрэнхылэгшын даабаринуудые дүүргэжэ, Ородой Барилгын яаман гүрэнэй засагай газарай нөөсын жасаһаа Буряад Уласта нэмэлтэ мүнгэ һомолхо. Федеральна засаг зургаан болон уласай хүтэлбэриин баталһан хэлсээнэй ёһоор, Байгалай байгаалиин дэбисхэртэ уһа сэбэрлэхэ түхэерэлгэнүүдэй һэльбэн шэнэдхэлгэ эршэдэхэ. Тус мүнгэн Кабанскын аймагай Выдрино нютагта сэбэрлэлгын түхеэрэлгэнүүдые барилгада дамжуулагдаха» - гэжэ хэлэгдэнэ.
Сентябриин 1-дэ, Эрдэм мэдэсын үдэр, Ородой Холбоото Уласай Юрэнхылэгшэ Владимир Путин һурагшадаар улзаһан байна. Энэ уулзалгада Буряадай арбатай хүбүүн Байгалай экологиин түлөө һанаата болоһоноо мэдүүлээ.
«Энэ асуудалаар зохихо шиидхэбэринүүд абтанхай, Буряад Уласта гэр байрын ажахын объектнүүдые һэльбэн шэнэлхэ талаар мүнгэн һомологдонхой», - гэжэ гүрэнэй хүтэлбэрилэгшэ тэмдэглээд, һомологдохо мүнгэнэй хэмжээ болон болзор шалгаха тухайгаа мэдүүлээ.
Буряад Уластай Байгалай зүүн эрьедэ 2024 он болотор 21 сэбэрлэлгын түхеэрэлгэнүүд баригдаха, Выдрино нютагта тон түрүүшынхинь бодхоогдохо.
Фото: pixabay.com
