​Буряадай Хяагтын аймагта хүүгэдэй наадаха талмай һандаргагдаа

Буряадай Хяагтын аймагай "Держась за руки" ТОС-ой хүүгэдэй наадаха талмай хуулиин наһа гүйсөөгүй хүйхэршүүл һандаргаа. Буряад Уластахи Дотоодын хэрэгүүдэй яаманай Хяагтын аймагай таһаг гэмтэдые элирүүлээ. Һүйд хэһэн эдиршүүлэй түрэлхидтэй уузалга эмхидхээ.

Уршагта ябадал гаргаһан үхибүүдэй түрэлхид һандарһаниие заһажа, хохидолой мүнгыень оруулха юм.

Ургажа ябаа улаан бургааһадта оршон тойронхидо гамтайгаар хандаха, хүнэй ажал хүндэлхэ гэһэн һургаал заабари гэртэхин лэ ойлгуулха ёһотой.   Үхибүүдэйнгээ аашануудай түлөө түрэлхид харюусалгатай ха юм.