Буряад Уласай Засагай газарай структурна хэсэгүүдтэ шэнэ томилолгонууд

Ѳѳрѳѳ ябадаг машинын ба бусад түхэлэй оньһото хэрэгсэлнүүдэй техническэ байдал гүрэнэй талаhаа хиналтын Буряад Уласай хүтэлбэриин ба Ойн ажахын уласай агентствын хүтэлбэрилхы бүридэлдэ хубилалтанууүд болобо.

Буряад Уласай Гүрэнэй техническэ хиналтын хүтэлбэрилэгшын орлогшоор Ахын аймагай толгойлогшоор хүдэлһэн Матвей Валентинович Мадасов томилогдобо. Матвей Мадасов гурбан дээдэ мэргэжэлтэй. Тэрэ 1994 ондо Буряадай гүрэнэй Доржи Банзаровай нэрэмжэтэ багшанарай институт, 2003 ондо энэл һургуулиин юридическэ таһаг, 2013 ондо Россиин Юрэнхылэгшын дэргэдэхи Арадай ажахын ба гүрэнэй албанай академиин «Гүрэнэй ба нютагай засагай хүтэлбэри» гэһэн таһаг дүүргээ. Буряад Уласай гүрэнэй ахамад инженер-инспекторэй орлогшо Матвей Мадасов Өөрѳѳ ябадаг машинын ба бусад түхэлэй оньһото хэрэгсэлнүүдэй техническэ байдал гүрэнэй талаhаа хиналтын таһаг хүтэлбэрилхэ. Тогтоол 2025 оной апрелиин 28-һаа хүсэндөө ороо. Матвей Валентинович Мадасов 53 наһатай. Тэрэ Ахын аймагта түрэһэн юм. 1999 онһоо 2005 он болотор Ахын аймагай сэрэгэй комиссариадта хүдэлөө. 2006 онһоо 2025 оной апрелиин 21 болотор Ахын аймагай захиргаанда хүдэлөө, тэдэнэй 9 жэлынь  аймагай толгойлогшын тушаалда байгаа.

Ойн ажахын уласай агентствын хүтэлбэрилэгшын 1-дэхи орлогшоор Александр Валерьевич Матхонов томилогдобо. Тэрэ 1979 ондо Улаан-Үдэдэ түрэһэн байна. Александр  Матхонов 2000 ондо Алас Дурнын юридическэ институт дүүргээ, удаань «Лесное дело» мэргэжэлэй шэглэлээр бэлэдхэл гаража, магистрай зэргэтэй болоо. Ойн ажахыда 2019 онһоо хүдэлнэ. Хүтэлэгшэ инженерээр, зүбшэлэгшээр, гүрэнэй ойн ажахы хиналтын таһагай даргын орлогшоор хүдэлөө, ойн ажахын гүрэнэй инспекторшье ябаа. Александр Валерьевич Матхонов мүнөө Ойн ажахын уласай агентствын хүтэлбэрилэгшын  1-дэхи орлогшын тушаалда хүдэлнэ.