124
Буряад Уласай Толгойлогшо Барилгын ба гэр байрын ажахы шэнэлэлгын сайдые томилхо тухай зарлигта гараа табиба. Сайдай уялга саг зуура дүүргэжэ байһан Евгений Коркин энэ тушаалда томилогдобо.Тэрэ 2025 оной майн 6-һаа ажалдаа гараха.
Евгений Коркин 1968 оной авгутын 18-да Улаан-Үдэдэ түрэһэн байна. 1990 ондо Буряадай гүрэнэй багшанарай ехэ һургуули «Физикэ ба математика» мэргэжэлээр дүүргэжэ, хэдэн жэлэй туршада Улаан-Үдэ хотын 2-дохи дунда һургуулида хүдэлөө.
1991 ондо Экологиин ба геологиин түбэй захиралай орлогшо болоо. Удаадахи 10 жэлэй туршада Буряад Уласай Үйлэдбэрилэгшэдэй ба олзын хэрэг эрхилэгшэдэй холбоондо хүтэлбэрилхы тушаалнуудта ажаллаа. 2001 ондо «Бурятэнерго» эмхиин корпоративна политикын таһаг толгойлоо. Харин 2005 ондо «Бурятэнерго» эмхиин генеральна захиралай орлогшоор томилогдоһон байна. 2006 ондо «ТГК-14»компаниин бүридэлдэ ородог «Бурятгенерация» бүлгэмэй гүйсэдхэхы захиралаар хүдэлжэ эхилээ.
2006 оной октябриин 2-һоо Евгений Коркин Буряад Уласай Генераци толгойлоо. 2009 оной май һарада тушаалһаа болиһон байна. 2011 ондо тэрэ Буряад Уласай Барилгын ба гэр байрын ажахы шэнэлэлгын сайдай 1-дэхи орлогшоор томилогдоо һэн.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албан
