Тохорюунууд шэнжэлэгдэнэ

Тохорюун шубуунай эгээл бага бэетэй красавка Буряад орондо жэл бүри ниидэжэ ерэдэг. Үбэлдөө дулаан орон­до байрладаг. Ехэнхи красавканууд Энэдхэгтэ үбэлөө үнгэргэнэ. Зунай сагта Боргойн тала дайдаар олоор дайрал­дана. Нэгэ доро 1,5-2 мянган толгой августын эхеэр эндэ суглардаг байна.

Үсөөржэ байһан шубууд гээд Ород гүрэнэй Улаан номдо оруулагданхай. Тиимэһээ красавкануудые онсо илгаатайгаар шэнжэлгэ хэгдэнэ гээшэ.

Шэнжэлгэдэ оюутад олоор хабаадуулагда­на. Юуб гэхэдэ, дальбараанууд үшөө ниидэжэ шададаггүйшье һаа, түргөөр харайдаг. Тэдэниие барихын түлөө түргэн хүл хэрэг­тэй. Мүнөө жэлдэ 26 дальбараанууд ба­ригдаа, 24-дэнь шэнжэлгын сахариг­хан һабартань углагдаа. 11-дэнь тусхай GPS-GSM хэрэгсэлнүүд үмдэхүүлэгдээ.

Удаань ерээдүйн орнитолог, биолог мэргэжэлтэд тэдэнэй хойноһоо ха­раха аргатай болоно. Эрдэмтэдэй тэмдэглэһээр, энэ ехэ һайн дүн гээшэ.