531
Дүүрэн загаһа шэрэжэ ябаһан автомашина баригдаа. Одоо обоо омоли загаһан байгаа, - гэжэ тэрэниие хоёр нюдөөрөө хараһан нэгэ ажаһуугша хөөрэнэ.
Мүнөө омоли загаһа олзоборилхо, мүн худалдажа абахань хорюулагдана. Хэрбэеэ танигдаагүй хүнһөө загаһа худалдажа абаад ябахадаа баригдабал, та өөрөө хуулиин урда харюусаха болонот. «Путина» гэһэн хэмжээ ябуулгын 2-дохи хаһа үнгэргэгдэнэ. Түрүүшын хаһа апрелиин 25-һаа июниин 30 болотор үнгэрөө һэн. Тиихэдээ аяар 70 гаран хуули хазагайруулагдаһан ушар бүридхэгдөө. Ямаршье үнэмшэлгэгүй, баталагдаһан саарһагүйгөөр омоли загаһа шэрэжэ ябатараа, олон зон баригдаһан байна.
