Онохой хүрэтэр харгы

- Танай даабаряар, Алексей Самбуевич, 1,550 км зайда хар­гы заһабарилагдана. Бүхыдөө 54 сая түхэриг һомологдонхой. Мүнөөдэрэй байдалаар, харгы ас­фальтобетоноор хушагдаа, троту­арнууд, гэрэлтүүлгын хэрэгсэлнүүд бэлэн болоо. Удахагүй харгын тэмдэгүүд табигдаха, уһанай сорго­нуудые мүн хэхэбди. Түсэбөөр 2024 ондо заһабарилга түгэсэхэ гэжэ хараалагдаһан байна. Теэд сагһаа урид, 2023 ондо харгы ашаглалгада тушаагдаха, - гэжэ Буряад Уласай Унаа тээбэри, элшэ хүсэ ба харгын ажахы хүгжѳѳлгын талаар сай­дай орлогшо Сергей Белоколодов мэдүүлбэ.

Буряадай Толгойлогшын даа­баряар харгы заһабарилгын түсэл 2020 ондо бэлдэгдэжэ эхилээ һэн. Харин хүдэлмэринүүд 2022 оной май һарада. Удахагүй октябрь соо шэнэ харгы Онохой һууринай ажаһуугшадые баярлуулха.

Буряадай Толгойлогшо һууринай ниигэмэй эмхинүүдтэ - эмнэлгын га­зар, дунда һургуули хүрэбэ. Онохойн эмнэлгын газарта заһабарилгын ажалнууд ябуулагдана. Байша­най сонхонуудые, үүдэнүүдые һэлгүүлхэ хэрэгтэй. Алексей Цыде­новэй даабаряар, заһабарилгада мүнгэн һомологдохо юм. Буряадай Толгойлогшо Загарайн аймагай ажаһуугшадтай уулзажа, тэдэнэй асуудалнуудта тобшо харюунуудые үгөө.