«Залуу гвардиие» хүтэлбэрилэгшэ

Буряад Уласай залуу политик, ниитэ ябуулагша Замбал Сан­жиев 1992 ондо Улаан-Үдэ хотодо түрэһэн намтартай. Дунда һургуулиин удаа хотын түмэр харгын транспортын колледж дүүргэһэн. Саа- шадаа Буряадай гүрэнэй универси­тедэй «Политология» гэһэн таһагта һуража, амжалтатайгаар түгэсхэһэн байна.

Замбал Санжиев 2011 ондо, 18 наһатайдаа, «Нэгэдэһэн Россиин Залуу гварди» гэһэн эмхиин гэшүүн боложо ороод, социальна талаар шухала түһөө түсэбүүдые бэелүүлгын хэрэгүүдтэ хабаадажа эхилһэн.

2012 ондо «Минии экологи» гэһэн байгаалиие хамгаалгын федеральна түһөө түсэбэй регионой куратораар томилогдоһон. Тэрэ жэлдэ үшөө Гүрэнэй Дүүмэ руу һунгалтын VI зар­лалгын комиссиин гэшүүнэй харюу- салгата үүргэнүүдые гүйсэдхэжэ эхилһэн намтартай.

2013 ондо Замбал Санжиев «Нэгэ­дэмэл Россиин Залуу гварди» гэһэн регионой эмхиин хүтэлбэрилэгшын орлогшо.

2014 ондо тэрэ Буряад Уласай Арадай Хуралай Залуушуулай дээдын зургаанай таһагай гэшүүн болоһон.

Мүнөө Замбал Владимирович Арадай Хуралай Залуушуулай таһагай өөрын хүтэлбэриин ба гадаадын хол­бооной засаг зургаанай албануудтай дэмжэлсэн хүдэлэлгын комиссиин түрүүлэгшын тушаалда амжалта­тайгаар хүдэлнэ. Тэрэнэй хажуугаар «Нэгэдэһэн Россиин Залуу гвардиин» регионой таһагай хүтэлбэрилэгшэ юм.

Тиихэдээ Россиин Президент В.Путинай, Буряад Уласай Толгой­логшо А. Цыденовэй, Улаан-Үдын мэр И. Шутенковой болон Гүрэнэй Дүүмын г.м. элдэб янзын хэмжээ­нэй һунгалтануудые эмхидхэлгын хэрэгүүдтэ эдэбхитэйгээр хабаадажа, үндэр сэгнэлтэнүүдтэ хүртэһэн.

Ковидтай тэмсэлдэ

Мүнөөнэй хүлгөөтэй, бэрхэшээл ехэтэй сагта залуу хүтэлбэрилэгшын үүргэ уялгануудынь ехэ даа! Тии­гээд хаанашье, ямаршье тушаалда хүдэлхэдөө, Замбал Санжиев харюу­салга ехэтэй, найдамтай ба эдэбхитэй ударидагша гэжэ онсо тэмдэглэгдэнэ.

«Үхибүүгээ һургуулида суглуула», «Эрэлхэг зоригой абдар», «Минии экологи», «Донбассай волонтёрнууд», «Оюутадай хабар», «Байгалай залуу- шуулай форум», «Хүдэлмэрилэгшэ залуушуулай спартакиада», «Бидэ суг хамта» г.м. Орос Уласай, Буряад Ула­сай, Улаан-Үдэ хотын ба аймагуудай олон тоото хэмжээ ябуулгануудые урагшатайгаар хүтэлбэрилэн эмхид­хэдэг.

Хорото ковид үбшэнтэй тэмсэлэй үедэ манай залуу волонтёрнууд түрүүшын зэргэнүүдтэ эдэбхитэйгээр хабаадаһан гэжэ мэдээжэ. Замбал Санжиевай хүтэлбэри доро корона­вирустай тэмсэлэй волонтёрнуудай штаб байгуулагдаһан юм.

Тэрэ «ДоброДом» гэһэн түбэй баа­за дээрэ эмхидхэгдэһэн һайн дура­танай штабай гэшүүд үлбэр тулюур, ганса бэе, эрэмдэг ба үндэр наһатай хүнүүдтэ, хүндэ байдалда ороһон гэр бүлэнүүдтэ сэгнэшэгүй ехэ туһаламжа үзүүлһэн. Волонтёрнууд гэрһээ гара­ха аргагүй зоной захилнуудаар эдеэ хоол ба эм домто хэрэгсэлнүүдые наймааһаа абаад, абаашажа үгэдэг байгаа. Мүн лэ спонсорнуудай мүнгөөр абтаһан миинтэ эдеэгээр ядаһан тулиһан хүнүүдые хооллуул­жа, буянта хэрэгүүдые үйлэдөө.

Тус штаб гурба һарын туршада хүдэлхэдөө, 22,5 мянган зоной захяа дүүргээ, 23 мянган социальна пакет, 49 мянган маска, 10 мянган перчатка ба 23 мянган антисептикэ тараагаа һэн.

Бүхы Буряад Уласай хэмжээндэ хамта дээрээ 1100 гаран волонтёр ковидтай тэмсэһэн гэжэ тоологдоно.

Сэрэгшэдтэ туһаламжын түб

Сэрэгэй тусхай операциин түрүүшын үдэрһөө эхилжэ, Замбал Санжиевай хүтэлбэри доро «Добро­Дом» түбэй залуу волонтёрнууд Донецкын ба Луганскын Арадай Ула­суудай ажаһуугшадта ба сэрэгшэдтэ ехэ туһаламжануудые үзүүлнэ.

Мүнөө дээрээ 208 тонно элдэб янзын хэрэгтэй шухала эдеэ хоол болон бусад хэрэгсэлнүүд эльгээг- дээд байна. Суглуулгын хэрэг эршэм­тэйгээр үргэлжэлһөөр.

Буряад Уласай бүхы 23 муници­пальна байгуулалтаар туһаламжа суглуулгын тусхай 40 газар эмхидхэгдэһэн. Тэндэ 16 мянган һайн дуратайшуул хүдэлнэ гэжэ тэмдэглэг­дэнэ.

Аймагуудаар суглуулагдаһан бүхы ашаан Улаан-Үдын «ДоброДом» түбтэ суглуулагдажа, тэндэһээ хэрэгтэй газарнууд руу эльгээгдэдэг.

2022 ондо Буряадай «Залуу гвар­диин» гэшүүдэй хүсөөр Джанкое хотодо волонтёрнуудай штаб бай­гуулагдажа, тиишээ үргэлжэ манай залуушуул эльгээгдэдэг. Мүнөө дээрээ 80 залуу үетэн тусхай сэрэгэй операциин газарта ошожо, элдэб янзын туһаламжануудые үзүүлһэн байна.

Тэрэнэй хажуугаар залуу волонтёрнууд гүрэнэй зөөриһөө гаргагдаһан хуушан авто-унаануу­дые заһабарилаад, СВО-гой газарта байһан манай сэрэгшэдтэ эльгээдэг.

Мүнөө дээрээ ойн харуулшадай хуушарһан 20 машина заһабарилгын ажал ябуулагдана.

Замбал Санжиев эдэ бүгэдын туйлай ехэ үүргэтэ хүдэлмэринүүдые эмхидхэн хүтэлбэрилхын хажуугаар нэгэтэ бэшэ сэрэгэй тусхай операци­ин газарнуудта ошожо ерэһэн байна. Донецкын Арадай Уласай «Безы­мянное» гэһэн һуурин, Мариуполь хото, Крымэй Республикын Джанкой ба Армянск хотонуудта ошожо, тэндэхи хүндэ байдалда ороһон ажаһуугшадта туһаламжануудые үзүүлһэн аша габьяатай.

«Үхибүүдые баярлуулхань шухала»

Үндэр эрмэлзэлтэй, урагшаа һанаатай, эрэлхэг зоригтой залуу хүтэлбэрилэгшын аша үүргэнүүд энэ­эгээр дүүрэдэггүй. Байгша 2023 ондо «Залуу гвардиин» эдэбхитэд нари үбшэнтэй тэмсэлэй Бүхэдэлхэйн үдэртэ дашарамдуулан, Буряад Ула­сай клиническэ больницын онколо­гическа таһагта хэбтэһэн үхибүүдые эрьежэ ошоод, нааданхайнуудые бэлэглэһэн юм.

Мүн лэ нэгэтэ бэшэ үхибүүдэй согтой, хүхюутэй һайндэрнүүд эмхидхэгдэдэг заншалтай.

«Туһаламжада хэрэгтэй аха заха­танай хажуугаар хүндэ байдалда ороод, ёһото баатарлигаар үбшэнтэй тэмсэжэ байһан балшар багахан хүүгэдтэ мүн лэ бүхы арга шадалаа­раа дэмжэлтэ туһаламжа үзүүлхэнь шухала», - гэжэ Замбал Владимиро­вич онсо тэмдэглэнэ.

Тэрээнэй хажуугаар «Залуу гвар­диин» гэшүүд сэрэгэй тусхай опера­циин үедэ ами наһаяа үгэһэн, мүнөө тэндэ тулалдажа байһан сэрэгшэдэй гэр бүлэнүүдтэ алишье талаар туһаламжануудые үзүүлэн дэмжэдэг.

Баатаржалга харуулһан сэрэг­шэдэй нэрэнүүдые мүнхэлэлгын, сэрэгшэдые угтамжын ба үдэшэлгын хэмжээнүүд таһалдадаггүй.

Аша габьяануудай түлөө

Замбал Владимирович Санжиев аша габьяануудайнгаа түлөө Росси­ин Президентын ба Правительствын, Гүрэнэй Дүүмын, Буряад Уласай ба уласхоорондын элдэб зэргын олон тоото Хүндэлэлэй ба Баярай бэшэгүүдээр, сэнтэй шангуудаар болон «Уялгата үүргын ба зүрхэнэй уряагаар» (2021), « Монголой ба Буряа- дай залуушуулай эб найрамдал» (2014), «Гүрэнэй һунгалтада эдэбхи­тэйгээр хабаадаһанай түлөө» (2020) гэһэн медальнуудаар шагнагдаһан. Үшөө «Сочи хотодо Бүхэдэлхэйн залуушуулай ба оюутадай XIX фестивалиин эдэбхитэй хабаадаг­ша» гэһэн медалиин Хүндэлэлэй грамотаар, «Бүхэроссиин бэе бэедээ туһаламжын хэмжээндэ эдэбхитэй хабаадагша» гэһэн медалиин Хүндэлэлэй бэшэгээр шагнагдаһан.