Хилмэ үдхэнэ

- Загаһа үдхэдэг фермэ хүн өөрынгөө һаналаар нээгээ. Эндэ хилмэ, зэбгэн загаһанууд бии. Ехэ дуратайгаар тэдэниие зон худал­дажа абана. Бидэнэй урда нэгэ хүн бүхы томо загаһыень худалдажа абаха дуратай байгаа. Теэд Вален­тин нэгэ хэдыень манда харуулха гэжэ үлээгээ. Тиимэһээ Валентин Прохоренков фермэеэ үргэдхэхэ, 2-дохи цех бариха түсэбтэй. Бидэ жараахайнуудые абаха гаршын 90, эдеэ хоолой 50, түхеэрэлгэнүүдэй 30 хубииень хүсэлдүүлнэбди,- гэжэ Алексей Цыденов тэмдэглэбэ. Фермер 2022 оной намар 200 дүрбэлжэн метрэй талмайда хилмэ үдхэхэ тусхай байра барижа эхилһэн байна. Хэрэгтэй түхеэрэлгэнүүдые худалдажа абаа, 5,5 кубометр уһа багтаадаг 10 бассейн тодхоо. Мүнөөдэрэй байдалаар, загаһа үдхэдэг ажахы жэлэй туршада 5 тон­но продукци үйлэдбэрилнэ.

2023 оной июнь һарада уһа руу түрүүшын загаһан табигдаһан байна. Мүнөө сагта фермэдэ мянга гаран хилмэ, тиихэдэ 1000-аад залуу зэбгэн бии. 140-дэхи кварталда оршодог «Рыбингуд» наймаада загаһа худалдажа абахаар, тэрэ тоодо аквариумһаа амиды загаһа худалдадаг.

«Фермерэй ажахы саашадаа үргэдхэгдэжэ, 2-дохи цехэй талмай 250 дүрбэлжэн метр эзэлхээр хараалагдана. Валентин Прохоренков жэлэй туршада 5 тонно зэбгэ үдхэхэ түсэбтэй.

- Хилмэ, зэбгэ загаһануудые суг­тань үдхэхэ гээшэ ехэ орёо. Юундэб гэхэдэ, уһанай температура хоёр ондоо байха ёһотой. Мүнөө туршал­га хэжэ байнабди. Саашадаа зэбгэ үдхэхэ ондоо цех барихабди, - гэжэ Валентин Прохоренков хэлэбэ. Фермер 2024 оной хабар хилмэ загаһанай 2000 жараахай худалда­жа абахаар хараална. 3 жэлэй удаа загаһанай түрьһэ үйлэдбэрилжэ эхилхэ һанаатай.

Буряад Уласай Хүдөө ажахын ба эдеэ хоолой яаманай шуга- маар фермертэ гүрэнэй дэмжэлтэ үзүүлэгдэнэ. Жараахайнуудые абаха гаргашын 90, эдеэ хоолой - 50, түхеэрэлгэнүүдэй 30 хубинь хүсэлдүүлэгдэнэ. 2024 ондо дүн хамта 1,5 сая түхэригэй дэмжэлтэ Валентин Прохоренковэй ажахы руу шэглүүлэгдэхэ юм.