Петропавловкын һургуулида

 Петропавловкын түбтэ оршодог энэ hургуулида аймагай дэлисэ­тэй элдэб хэмжээ ябуулганууд ходо үнгэржэ байдаг. Гүрэнэй нэгэдэмэл шалгалташье (ЕГЭ) тэндэ эмхидхэгдэдэг. Гэбэшье 1968 ондо баригдаhан байша­ниинь hэльбэн шэнэлэгдэхээр болонхой. «Байгша ондо тусхай программада орожо шадаагүйбди. Буряадай Тол­гойлогшо Алексей Цыдено­вэй найдуулhаар, нүгѳѳ жэл­дэ заhабарилгада орохобди», - гээд, тус hургуулиин захи­ралаар 10-аад жэлдэ хүдэлжэ ябаhан Баир Ринчино тэмдэглэнэ.

Хуушаржа байhан hургуулиин байшан соо оршодог тамирайнь зал хэмжээгээрээ жаахан тула, уласай хэмжэ­эндэ волейболоор болон баскетболоор урилдаануудые эмхидхэхын аргагүй юм. Эгээл тиимэhээ тамирай шэнэ байшан hургуулиин дэбисхэр дээрэ бодхоогдоо. Һаядаа ашаглалдаа тушааг­дахаар бэлэн боложо байна. Мүнѳѳ дээрээ Петропавлов­кын 1-дэхи hургуулида 1038 үхибүүн hурана. 55 багша тоологдоно. Энэ hургуулида түгэсхэгшэдтэ болон багша­нарта зорюулагдаhан музей байгуулаатай. Һургуулиин түүхэ тухай номшье хэблүүлэгдэнхэй.