500
Оросой Онсо ушаралта байдалай яаманай Буряад Уластахи гол хүтэлбэриин мэргэжэлтэд үдэр бүри һэргылэмжын ажал ябуулна. Зүбшөөлгүй газарнуудаар мүльһэн дээгүүр ябажа огто болохогүй!
Аюулгүй байдалай талаар дүримүүд улад зондо һануулан хэлэгдэнэ. Даб дээрээ 6 мянга гаран эрхэтэндэ иимэ мэдээсэл дуулгагдаа. Мүльһэнэй зузааниинь саг үргэлжэ шалгагдажа байдаг.
Байгша оной эхинһээ Буряад ороной уһанай объектнүүдтэ бүхыдөө 7 гэнэ усал бүридхэгдөө. Оросой Онсо ушаралта байдалай яаманай Буряад Уластахи гол хүтэлбэриин мэргэжэлтэдэй оролдолгоор 13 хүнэй ами наһан абарагдаа, харамтайнь гэхэдэ, 1 эрхэтэн наһа бараа.
Хабарай мүльһэн – ами наһанда аюултай! Наратай дулаахан үдэрнүүдтэ нуур сөөрэмүүдэй, уһа голнуудай мүльһэн хайлажа эхилнэ. Намагтай эрьетэй, хүүргэ доогуурхи, промышленна болон коммунальна предприятинуудай бүлеэн, халуун уһануудаа хаядаг газарнуудай хажуугаархи газарнуудаар илангаяа аюултай гээд, МЧС-эй мэргэжэлтэд дахин-дахин ажаһуугшадта һануулна.
Автор: Дарья ЦЫДЫПОВА
Фото: Оросой Онсо ушаралта байдалай яаманай Буряад Уластахи гол хүтэлбэриин дурадхаһан гэрэл зураг
