Аяншалга хүгжөөхэ асари ехэ алхам

 Буряадай Толгойлогшын хэлэһээр, «Шэдитэ Байгал» ку­рорт «Байгалай гавань» гэжэ онсо экономическа бүһэлүүрэй Тур­ка ба Горячинск һууринуудай дэбис­хэр дээрэ оршохо.

– Курорт хүрэтэр авто-унаагаар, уһанай болон агаарай онгосонуу­даар хүрэжэ ошохоор хараалагдана. Амаралгын газарай дэбисхэр дээрэ хүрэнгэ шэглүүлэлгын долоон түсэл бэелүүлэгдэжэ байна. Түсэл бүхэн өөрын дабтагдашагүй илгаатай. Тэндэ халуун аршаанай комплек­снууд, зүүн зүгэй болон заншалта эмнэлгын газарнууд, СПА, бэе ма­хабад һэргээлгын түбүүд нээгдэхэ. Гадна музей, этнографическа түб байгуулагдаха, - гэжэ Алексей Цы­денов тэмдэглээ. – Гэхэтэй хамта Байгал далайн уһан дээгүүр аян­шалга хараалагдана. Эндэ ябадаг онгосонууд 1960-аад, 1970-аад онуудай. «Водоход» компани аяншалгын онгосонуудай барилгада 8 млрд түхэриг шэглүүлхээр хараална. Энэ компани зайн галаар ябадаг онго­сонуудые харуулаа һэн. Москва го­лоор тэдэниинь ябадаг. «Водоход» компани дүрбэн онгосо барижа байна. Тэдэ Байгал руу ерэхэ. 2028 ондо бүхы түсэлнүүдые бэелүүлжэ дүүргэхэбди. Жэлэй туршада 1,9 сая аяншалагшад хүлеэгдэнэ, 470 мян­ган хүн зошод буудалнуудта тогтохо, ажалай 2,5 мянган һууринууд бай­гуулагдаха, - гэжэ Буряадай Толгой­логшо мэдүүлбэ.

Оросой Юрэнхылэгшэ байгаали хамгаалгын асуудалда нэн түрүүн онсо анхарал хандуулха хэрэгтэй гэжэ онсолбо.

– Байгалда бидэ ехэ гамтайгаар хандаха ёһотойбди. Энэмнай бүхы дэлхэйн нөөсэ баялиг ха юм. Тиимэһээ нэн түрүүн байгаалииень хамгаалха хэрэгтэ онсо анхарал хан­дуулха хэрэгтэй. Мүнөө сагай эрил­тээр, шэнэ технологи хэрэглэн, тон эхинһээ буруу алхамуудые хэнгүй ябаха зам шэлэн абахыетнай гуйнаб, - гэжэ Владимир Путин хэлэбэ.

«Шэдитэ Байгал» гэһэн амарал­гын газарай барилга «Табан далай ба Байгал нуур» гэжэ холбоото уласай түсэлдэ ороно.