​Хатарай һайндэр

 Иимэ үйлэ хэрэгүүд Горхоной һургуулида заншалта болонхой. Урдань шэнэ жэлэй һайндэртэ зорюулан үнгэргэгдэдэг байгаа. Үхибүүд энэ хэмжээ ябуулгада эртэнһээ бэлдэнэ: шэнэ хатарнуудта һурана, гоё һайхан плати, костюмуудые бэлдэнэ.

Энэшье удаа 1-11-дэхи классай бүхы һурагшад хатарай һайндэртэ хабаада­жа, һайн бэлэдхэлтэй байһанаа харуулаа. Гэртэхин миин лэ харахаяа ерэнэ бэшэ, мүн лэ хатарай дүхэригтэ оролсоно.

Һургуулиин физкультурын багша Даша Дагбаевич Ошоров, «Түрүүшүүлэй хүдэлөөн» (Движение первых) гэһэн бүхэроссиин ниигэмэй Түнхэнэй аймаг­тахи таһагай хүтэлбэрилэгшэ Ольга Степановна Шагдурова гэгшэд хатарай баалай хаан ба хатан гээд тодоруулагдаа.

Үхибүүдэй хүгжэлтэдэ иимэ хэмжээ ябуулганууд горитой ехээр нүлөөлдэг гэжэ эмхидхэгшэд тэмдэглэнэ.